Birra, një pije popullore me një histori të gjatë, po tërheq vëmendjen e shkencëtarëve për shkak të përfitimeve funksionale për trupin, veçanërisht për sistemin imunitar dhe mikrobiomën e zorrëve.
Përveçse një pije popullore, birra ka një histori të pasur, që daton mijëra vjet më parë. Ajo u vlerësua veçanërisht në kulturat e lashta si sumeriane, babilonase dhe kineze, ku përdorej si në ceremonitë fetare, ashtu edhe në ato shoqërore, shkruan Katror.info.
Sot po hulumtohet se si përbërësit e birrës, si polifenolet, fibrat dietike dhe melanoidina, bashkëpunojnë me mikrobiomën e zorrëve dhe promovojnë shëndetin e organizmit në mënyra të ndryshme. Birra është e pasur me aminoacide esenciale, vitamina dhe elementë gjurmë që luajnë një rol kyç në organizëm.
Mundesh me e lexu edhe…
Studimet kanë hetuar gjithashtu se si substancat bioaktive nga birra mund të kontribuojnë në parandalimin e arteriosklerozës, sëmundjeve të zemrës, përmirësimin e qarkullimit, mbështetjen e sistemit imunitar dhe stimulimin e prodhimit të estrogjenit.
Disa kërkime sugjerojnë se konsumimi i moderuar i birrës, me ose pa alkool, promovon funksionin e shëndetshëm të sistemit imunitar dhe inkurajon zhvillimin e baktereve të dobishme në zorrë, duke rezultuar në efekte anti-inflamatore, antioksidante dhe imunomoduluese.
Megjithëse ka rezultate premtuese, nevojiten kërkime të mëtejshme për të konfirmuar përdorimin e birrës si një rregullator i mikrobiomës së zorrëve në të ardhmen./Katror.info
Përgatiti:
