Këto opsione janë aktualisht në zhvillim e sipër, por sapo të bëhen të disponueshme në WhatsApp, ato do të rrisin ndjeshëm nivelin e privatësisë për përdoruesit.
Deri më tani, WhatsApp përdorte numrat e telefonit për të lidhur përdoruesit mes tyre ose një kod QR që përdoruesit mund ta skanonin për t’u lidhur dhe për t’i dërguar mesazhe njëri-tjetrit. Por, në WhatsApp po punojnë për një tjetër opsion që do të rriste sigurinë e përdoruesve, por edhe do ta lehtësonte gjetjen dhe lidhjen mes tyre.
Siç raportohet nga portali WAbetaInfo, i cili raporton rregullisht për opsionet e reja dhe të ardhshme në WhatsApp, po punohet për zhvillimin e emrave të përdoruesve që përdoruesit do të përdornin në vend të numrave të telefonit. Më saktësisht, sipas të dhënave të disponueshme aktualisht, gjatë shkëmbimit të mesazheve, përdoruesit nuk do të mund të shihnin numrat e telefonit të njëri-tjetrit.
Mundesh me e lexu edhe...
Pasi përdoruesit të zgjedhin emrin e tyre unik të përdoruesit, ata do të jenë në gjendje ta ndajnë atë me përdoruesit e tjerë pa zbuluar informacione të tjera personale. Edhe pse nuk është e qartë se kur ky opsion mund të jetë në dispozicion për përdoruesit, dihet se pasi të zgjidhet një emër përdoruesi, ai nuk do të jetë i përhershëm, por përdoruesit mund ta ndryshojnë atë në çdo kohë.
Përveç kësaj, WhatsApp po zhvillon aftësinë për të kërkuar përdoruesit me emrin e tyre, gjë që duhet ta bëjë më të lehtë gjetjen e përdoruesve.
Për momentin, ky opsion është në zhvillim e sipër për versionet në ueb dhe Android të aplikacionit, por pritet që i njëjti të jetë i disponueshëm edhe për përdoruesit e iOS.
Ajo që nuk dihet është se kur mund të përfshihet zyrtarisht ky opsion në aplikacion, por duke gjykuar nga njoftimet e mëparshme, mund të ndodhë pas disa javësh apo muajsh./Katror.info
Përgatiti:
