Pas përfundimit të edicionit të katër të Festivalit të Operas , “Ramë Lahaj International Opera Festival” në gusht të këtij viti, fondacioni Ramë Lahaj, ka menduar edhe për të vegjëlit.
Këto ditë, nga data 15 shtator deri më 20 shtator po zhvillohet aktiviteti ‘Opera me rrota’, i cili ka për qëllim që të lëvizë nëpër 6 komunat e Kosovës dhe të prezantoj para fëmijëve program të pasur operistik.
“Me duartrokitjet e zjarrta nga Istogu dhe Peja në zemër, Opera në Rrota udhëton sot drejt Gjakovës! Në ora 20:00 ju presim në Platonë e Parkut të Madh të Qytetit për një natë të veçantë ku muzika dhe arti do të shkëlqejnë në qiellin e qytetit.
Artistët tanë janë gati të sjellin një tjetër përrallë operistike plot emocione dhe magji për fëmijët dhe të rriturit. Ejani dhe përjetoni një shfaqje plot muzikë dhe argëtim!”, thuhet në njoftimin e Rame Lahaj International Opera Festival.
Opera në rrota aktiviteti më i ri i Fondacionit Rame Lahaj dhe ky aktiviteti dedikuar vogëlushëve do të mbahet nga data 15-20 Shtator.
Projekti i Fondacionit Rame Lahaj “Opera në Rrota” i realizuar në partneritet me Operan e Kosovës, Ministria e Ekonomisë, Kulturës dhe Inovacionit Shqipëri, Teatri Kombëtar i Operas dhe Baletit Tiranë dhe sponzorin tonë gjeneral Banka Ekonomike dhe Siguria sjellin projektin për fëmijë në 6 komuna të Kosovës./Katror.info
Përgatiti:
