Owen Cooper, 15 vjeç, me rolin e spikatur në mini-serialin e Netflix-it “Adolescence”, bëhet fituesi më i ri në çmimet Emmy. Drama psikologjike dominoi ceremoninë, duke fituar gjashtë trofe përfshirë serialin më të mirë të kufizuar.
Owen Cooper ka lindur në Warrington të Anglisë. Ai ishte vetëm 14 vjeç kur u xhirua seriali britanik me katër pjesë.
“Adolescence” tregon pasojat e goditjes me thikë të një vajze adoleshente, me një djalë 13-vjeçar nga shkolla e saj i arrestuar për vrasjen. Por çka i dha vlerësime gjithëpërfshirëse nga kritika ishte eksplorimi i mizogjinisë së nxitur nga mediat sociale mes djemve adoleshentë.
Mundesh me e lexu edhe…
Dhe Cooper, i cili luajti rolin e të dyshuarit të mitur Jamie, ofroi atë që kritikët e përshkruan si një performancë “të habitshme” dhe “vërtet të jashtëzakonshme”.
Seriali komik i Seth Rogen, “The Studio”, merr në shtëpi katër Emmy. Ndërkohë, “The Pitt” mundi mega-hite si “Severance” dhe “The White Lotus” për të fituar çmimin për dramën më të mirë.
Por, seriali triller “Severance” nuk u largua duarbosh, duke marrë dy çmime të mëdha për yjet Tramell Tillman dhe Britt Lower. Sydney Sweeney, Pedro Pascal dhe Jenna Ortega ishin ndër yjet që parakaluan në tapetin e kuq.
Më herët në sallën e shtypit, Stephen Graham, fitues i çmimit për aktorin kryesor në “Adolescence”, u pyet nga gazetarët në lidhje me reagimin më të thellë që ka marrë nga audienca.
Graham thotë se ndalon në supermarket e shpesh njerëzit thjesht i afrohen duke e falënderuar.
“Faleminderit që më lejuat mua dhe djalit tim të bëjmë një bisedë që nuk e kemi bërë kurrë më parë, citoi ai. Përbërësi kryesor është të përpiqemi t’u hapim dyert fëmijëve tanë dhe të bëjmë biseda e mendoj se e kemi arritur këtë.”/Katror.info
Përgatiti:
