Një kopje e Venecias italiane, Shtëpisë së Bardhë amerikane, madje edhe kështjellës gjermane Neuschwanstein, e cila shërbeu si frymëzim për karikaturat e Disney… Të gjithë këto mund ti gjeni në Kinë, magjepsja e të cilit me perëndimin dhe arkitekturën perëndimore tashmë është e mirënjohur.
Ky vend me kulturë mbresëlënëse dhe histori të pasur ofron bukuri të jashtëzakonshme natyrore, ushqim tradicional, qytete futuriste, kulturë dhe traditë të larmishme, por edhe imitime besnike të disa prej qyteteve më të famshme evropiane dhe perlave arkitekturore, shkruan Katror.info. Një nga sipërmarrjet më të pazakonta të këtij lloji është sigurisht qyteti i Tianducheng. Ky “Paris në miniaturë” kinez është një kopje besnike, e vetme e zvogëluar e kryeqytetit francez.
Qyteti i Tianducheng ka Kullën Eifel, Avenue të famshme Elysée, shatërvanin dhe Kopshtet e Luksemburgut, ndërtesa shumëngjyrëshe franceze, rrugë dhe bare… Pavarësisht imitimit besnik të një prej qyteteve më të famshëm dhe më të bukur në botë, atij për një kohë të gjatë i mungonin njerëzit. Ndërtimi filloi në vitin 2007 dhe fillimisht ishte projektuar për rreth 10,000 banorë. Megjithatë, në vitet e para, vetëm rreth 2000 prej tyre u shpërngulën. Mediat e huaja e tallnin atë duke e cilësuar si “qytet fantazmë”, por kur fjala për të u përhap në mbarë botën, duket se për të filluan të interesohen edhe kinezët. Sipas disa burimeve, tani në Parisin kinez jetojnë rreth 30 mijë njerëz. dhe qyteti tashmë është zgjeruar.
Mundesh me e lexu edhe…
Problemi që investitorët e parashikonin për këtë qytet ishte vendndodhja mosmirënjohëse. Qyteti i Tianducheng ndodhet në mes të një peisazhi rural, i shkëputur nga lidhjet e qytetit apo transporti publik, kështu që në vitet e hershme kryesisht shërbente si sfond për fotot e porsamartuarve kinezë. “Bistrot parisiene” ishin thjesht sfonde, dhe “dyqanet e veshjeve luksoze” ishin bosh. Ndërkohë, qyteti u zgjerua, në të u hapën disa mundësi biznesi dhe në vitin 2022 më në fund u bë edhe me transport publik.
Qyteti ndodhet në provincën Zhejiang dhe është rreth dy orë me makinë nga Shangai. Vendi qendror është Kulla Eifel, tre herë më e vogël se e Parisit, pranë së cilës ka një livadh të peisazhuar, një park… Gjithçka njësoj si në “qytetin origjinal të dritës”.
Në një reportazh të mëhershëm nga qyteti, një gazetare përshkroi rrugët e shkreta në detaje. Ajo vizitoi qytetin në vitin 2015 dhe gjeti shatërvanë pa ujë, dyqane të mbyllura, struktura metalike të ndryshkura… Gjithçka tregonte se projekti kinez i Parisit kishte dështuar.
Projekti i fotografit francez Francois Prost tërhoqi më shumë vëmendjen e publikut botëror në këtë qytet. Në vitin 2017, ai dëgjoi se kishte një kopje të vendlindjes së tij të ndërtuar mijëra kilometra nga Franca dhe u nis për në Kinë. Ai bëri një seri fotosh fantastike krahasuese të Parisit të vërtetë dhe Tianducheng-ut, nga të cilat është pothuajse e pamundur të dallosh fillimisht se cili qytet në cilën foto ndodhet. Sipas shkrimit të tij, jeta dalëngadalë po vjen në rrugët e “Parisit në miniaturë” dhe pseudonimi “qytet fantazmë”, shkruan ai, më në fund nuk i përgjigjet më. /Katror.info
Përgatiti:
