Nëse je fans/e i/e pastave dhe vazhdimisht je n’kërkim t’recetave t’reja, inovative e plot shije, atëherë je me fat që ke kliku n’këtë artikull, meqë kësaj radhe jemi siguru që me t’furnizu me nji recetë jo fort t’rëndomtë, por shumë unike e interesante me u përgatitë e hangër, e që i vë n’përdorim edhe perimet e sezonës, gjegjësisht purrit’. E n’qoftë se ende ju t’u e mendu emrin e drekës a darkës, leja emrin e recetës t’sotme.
Nëse je t’u dashtë me hangër diçka fort t’shijshme, kremoze, por edhe ngopëse, atëherë receta e pastave me kërpudha dhe purri asht receta e duhur për ty. Perfekte qoftë për drekë apo darkë, këto pasta po që ta hijeshojnë secilën pjatë me kremozitetin dhe shijen interesante që purrini me kërpudha e krem-djathë ta ofrojnë. E që nuk t’i merr kohë përgatitja ma shumë se 15 minuta e dëshmojnë hapat n’vijim.
PËRBËRËSIT (servimi për 4):
1 paketim makarona
2 lugë gjelle vaj ullini
250 gr kërpudha t’egra (t’prera n’rriska)
½ lugë çaji kripë
1-2 trupa purri (t’prerë holl)
2 thelpinj hudhre (t’grira imët)
¼ lugë çaji biber i zi
100 gr krem-djathë
¾ gotë supë perimesh (½ kubëz vegjetariane + ¾ gotë ujë i vluar)
50 gr pamerzan (i grirë)
HAPI 1:
N’ndërkohë që pastat i vendosë me u zi për 8 minuta n’ujë t’vluar me kripë, n’nji tigan t’thellë shto vajn e ullinit dhe kavërdisi kërpudhat për 3-4 minuta.
Mundesh me e lexu edhe…
HAPI 2:
Shto fijet e purrinit dhe hudhrat e grira e kavërdise masën duke e përzi vazhdimisht për 4 minuta.
HAPI 3:
Shtoja masës krem-djathin, supën dhe përzije masën kohë pas kohe deri sa krem-djathi t’shpërbahet krejtësisht dhe paralelisht kulloji pastat.
HAPI 4:
Shto pastat n’krem-djathin me kërpudha dhe purri, përzije mirë për 3-4 minuta n’temperaturë mesatare dhe shto parmezanin e grirë. Largo prej tiganin prej shporetit dhe servo.
REZULTATI:
Servoji pastat me pak gjethe t’grimëcume borziloku sipër dhe ekstra parmezan po deshe. Poashtu, nëse ke qejf me e pasë edhe nji sallatë para vehtes, definitivisht këtë pjatë me shije shoqëroje me sallatën e përzier me super-zarzevate – sallatë kjo që ka me ta ndreçë secilin vakt.
E mbasi veç jemi tek pastat, provo me i gatu pastat primavera dhe pastat me sos limoni dhe bizele. Ne gjithashtu ta rekomandojmë me i përgatitë pastat kremoze me domate dhe spinaq, ose shpagetat vegjetariane. Ndërkaq recetë jo tipike t’pastave dhe definitivisht ma interesante n’shije, patjetër që ja lenë me kërku supën kremoze me tortellini. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
