Sallata klasike e makaronave, apo edhe pasta sallata greke, nuk po mbesin sygjerimet e vetme t’kategorisë (sallatë + makarona), meqë ne vazhdimisht jemi duke t’njoftu edhe me receta t’tjera t’kësaj kategorie, përfhsi këtu edhe pasta-sallatën kapreze, tuna pasta-sallatën dhe pasta-sallatën me dredhëza – t’gjitha këto receta perfekte për dreka, darka e tryeza festive.
Nëse je merak n’pasta-sallata dhe je n’kërkim t’pjatave autentike italiane, atëherë mos e le pa e provu pasta-sallatën italiane, e cila me secilën kafshatë ta hjekë zhigun e bregdetit italian. Ideale për netët verore kur fton mysafirë, por edhe për ahengje t’ndryshme, kjo pjatë me përbërës t’freskët dhe pasta tri-ngjyrëshe asht krejt çka t’DUHET e s’e ke ditë.
PËRBËRËSIT:
1 paketim pasta t’ziera tri-colore (tri-ngjyrëshe)
1 spec i gjelbërt paprika (e grirë n’kubëza)
1 kastravec anglez (i grirë n’kubëza)
200 gr tomatina
200 gr toptha mocarelle
100 gr ullinj kallamata (t’prerë n’rriska)
3/4 gotë jogurt grek
1/4 gotë vaj ullini
1 qepë e kuqe e njomë (e grirë imët)
1 thelb hudhër (i grirë imët)
1/2 lugë çaji kripë
1/2 lugë çaji biber i zi
1 lugë e mesme oregano
Mundesh me e lexu edhe…
HAPI 1:
N’enë t’thellë shto vajin, jogurtin grek, erëzat, qepën dhe hudhrën e grirë dhe me tel kuzhine përzije masën mirë deri sa t’krijohet nji dressing i njitrajtshëm dhe kremoz.
HAPI 2:
N’nji pjatë tjetër shto përbërësit, përfshirë këtu edhe pastat e ziera sipas udhëzimit n’paketim dhe t’kulluara mirë. Shto gradualisht dresingun dhe përziji t’gjithë përbërësit mirë. Vendose pasta-sallatën n’frigorifer me u ftohë për 20-30 minuta dhe servo.
REZULTATI:
Servoje pasta-sallatën italiane si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë. Mjafton që sallatës mos me ja shtu dresingun n’fillim. Pra, me e rujt’ sallatën n’frigorifer pa dresing, e me ja vendos dresingun kurdo që e han.
Poashtu, nëse je n’kërkim t’recetave verore; freskuese e plot shije, atëherë jepja ni shancë sallatës me bostan dhe djathë feta, “Waldorf” sallatës me kokrra rrushi, apo sallatës t’përzier me super-zarzevate – t’gjitha këto super-pjata e që janë sa t’lehta e t’shpejta me u përgatitë, po aq edhe t’shijshme dhe unike.
Kurse për receta t’pastave t’nxehta, pastat pranverore (primavera), pastat me tomatina t’pjekuna, ose shpagetat vegjetariane janë veç disa prej rekomandimeve t’tona t’cilat nuk kanë me t’zhgënjy. Shijo! /katror.info/
Përgatiti:
