Në përpjekje për të ofruar shërbime gjithëpërfshirëse dhe të barabarta, Policia e Kosovës (PK) ka ndërmarrë një hap të rëndësishëm për përmirësimin e trajtimit të personave me aftësi të kufizuara. Në një ceremoni të mbajtur më 15 janar 2025, PK ka pranuar 8000 kartela xhepi nga OSBE-ja, të destinuara për zyrtarët policorë që trajtojnë raste që përfshijnë këtë kategori qytetarësh, shkruan Katror.info.
Kartelat janë përgatitur në tri gjuhë: shqipe (7000), serbe (1000) dhe angleze (40), dhe do të shpërndahen tek zyrtarët hetues, sektorial dhe reargues për të siguruar një qasje profesionale dhe të përshtatshme ndaj nevojave të komunitetit.
“Ky projekt u realizua falë bashkëpunimit të ngushtë me OSBE-në, duke siguruar që Policia e Kosovës të jetë më e gatshme dhe e aftë për t’u përgjigjur në mënyrë të përshtatshme nevojave të qytetarëve me aftësi të kufizuara”, thuhet në njoftimin e Policisë së Kosovës.
Mundesh me e lexu edhe…
Ky zhvillim është një tjetër dëshmi e përkushtimit të Policisë së Kosovës për të forcuar profesionalizmin dhe për të promovuar një shoqëri më të barabartë për të gjithë./Katror.info
Përgatiti:
