Me ardhjen e verës, PriFest – Festivali Ndërkombëtar i Filmit në Prishtinë, njofton për zgjerimin e partneritetit me organizatën E.D.H.E, duke sjellë shfaqje të reja në ambiente të hapura, shkruan Katror.info.
Gjatë kësaj periudhe verore, do të shihen dokumentarë si pjesë e PriDox dhe filmat artistikë nga e gjithë bota, në platformën PriGlobal.
Ngjarjet do të zhvillohen në një teras të bukur me pamje panoramike të qytetit, çdo mbrëmje nga ora 21:00, në datat e përzgjedhura. Pjesëmarrësit do të kenë mundësinë të shijojnë filmat nën yje, duke kombinuar artin e kinemasë me atmosferën unike të natyrës së hapur.
Mundesh me e lexu edhe…
Do të ketë muzikë gjatë mbylljes së këtij cikli veror me një event special 12-orësh @pribeats më 11 korrik. Ngjarja do të përfshijë dy skena dhe katër artistë të ndryshëm, duke sjellë një përvojë të jashtëzakonshme muzikore. Më shumë informacione rreth këtij eventi do të shpallen në ditët në vazhdim.
Ky aktivitet është i mbështetur nga @ipko.rrethiyt dhe është një thirrje për të gjithë komunitetin që ta shijojnë bukurinë e qytetit dhe artin veror në kodrën që na ka hyrë në zemër.
Për më shumë informacion rreth programit dhe datave, ndiqni faqet zyrtare të PriFest dhe E.D.H.E./Katror.info
