Klubi i pingpongut PRiPING debutoi me fitore në Europe Trophy, duke e mposhtur me rezultat 3:1 STK Zagreb.
“Ky është një hap shumë i madh drejt kualifikimit në Grand Final të Europe Trophy,” ka shkruar Priping në Facebook.
Priping nesër në orën 17:00 do të luajë kundër SK Vydrany nga Sllovakia!
Mundesh me e lexu edhe…
“Priping”, nënkampion i Superligës së Kosovës, po merr pjesë në garën prestigjioze evropiane, ‘Europe Trophy’ faza e grupeve, që zhvillohen në Zagreb nga sot 8 deri me 10 dhjetor.
KPP ‘Priping’ është klubi i parë i Federatës së Pingpongut të Kosovës që merr pjesë në një garë Evropiane.
Para udhëtimit në Kroaci, përfaqësuesit e klubit theksuan se janë të përgatitur për sfidat që i presin dhe shprehen optimistë për paraqitje të mirë në këtë arenë ndërkombëtare. Ata për këtë fazë kanë regjistruar në FPPK disa lojtarë të huaj të cilët do jenë përforcim për paraqitje sa më të mirë në fazën e parë, duke shpresuar që të kalojnë në fazën e dyte, njofton Federata e Pingpongut e Kosovës.
“Edhe pse një klub i ri i FPPK-së, ‘’Priping’’ shpejt ka bërë vend në superligën e Kosovës, duke u shpallur disa herë nën kampion i superligës dhe ligës unike Kosovë Shqipëri dhe kampion i Kupës së Kosovës në vitin 2022, andaj edhe synimi i tyre për një paraqitje të mirë të pingpongut kosovarë pritet të jetë i denjë në Europe Trophy.”
Tifozët dhe dashamirët e pingpongut do të kenë mundësi që të ndjekin ndeshjet e KPP Priping drejtpërdrejt në kanalin zyrtar të klubit në Youtube.
Katror Media është përkrahës medial i Klubit të Pingpongut PRiPING në këtë evenimet sportiv historik të klubit prishtinas./Katror.info
Përgatiti:
