Prishtina përjetoi një atmosferë të rrallë gjatë pesë ditëve të Kampionatit Evropian të Esports (EEC 2025), i cili mblodhi mbi 10 mijë vizitorë dhe 25 shtete pjesëmarrëse, duke e shndërruar kryeqytetin në një qendër të vërtetë të garës dhe teknologjisë digjitale në Evropë, shkruan Katror.info.
Pas përfundimit të suksesshëm të këtij kampionati, organizatorët kanë publikuar aftermovie-n zyrtar, ku përmes pamjeve dinamike dhe emocionale rikujtohen momentet kulmore të ngjarjes: nga ndeshjet epike në skenën kryesore, te reagimet e publikut dhe mikpritja e ngrohtë që karakterizoi çdo hapësirë të Prishtinës.
Kjo ngjarje, e konsideruar si një ndër më të mëdhatë të këtij lloji të mbajtura ndonjëherë në Kosovë, u realizua falë një bashkëpunimi të gjerë institucional dhe mbështetjes nga sponsorë të shumtë. Organizatorët kanë falënderuar posaçërisht Qeverinë e Republikës së Kosovës për përkrahjen e fuqishme, si dhe të gjithë partnerët që kontribuan në realizimin e këtij suksesi ndërkombëtar.
Mundesh me e lexu edhe…
Përmes këtij kampionati, Kosova jo vetëm që dëshmoi kapacitetin për organizimin e eventeve të nivelit të lartë, por edhe e forcoi pozitën e saj në hartën evropiane të Esports-it.
