Ndërmarrja Trepça ka njoftuar se gjatë gjashtëmujorit të parë të vitit 2025, flotacioni i Tunelit të Parë ka regjistruar një rritje të konsiderueshme të prodhimit të koncentratit të plumbit dhe zinkut, krahasuar me të njëjtën periudhë të vitit 2024.
Sipas një postimi në Facebook nga Trepça, gjatë kësaj periudhe janë prodhuar gjithsej 4,625 ton koncentrat, që përbën një rritje prej 2,336 ton ose 102.05% më shumë në krahasim me gjashtëmujorin e parë të vitit të kaluar.
“Rritja është veçanërisht e dukshme gjatë muajve mars, prill, maj dhe qershor, ku janë arritur nivele të larta prodhimi, duke pasqyruar angazhimin dhe profesionalizmin e stafit tonë, si dhe përmirësimin e proceseve teknike. Kjo dëshmon përkushtimin tonë të vazhdueshëm për rritjen e kapaciteteve dhe efikasitetit në ndërmarrje,” thuhet në njoftim.
Mundesh me e lexu edhe…
“Trepça Sh.A. përmbyll me mesazhin: “Me hapa të sigurt drejt zhvillimit të qëndrueshëm industrial!”, thuhet tutje në njoftim./Katror.info
