Dy edicionet e “Big Brother VIP” që po mbahen në të njëjtën kohë në Kosovë dhe Shqipëri kanë prekur pothuajse të gjithë me shikueshmëri rekord dhe duke u bërë pjesë e pandashme e bisedave dhe përditshmërisë së qytetarëve.
Por çfarë e bën kaq popullor një shfaqje realiteti si Big Brother Vip?
“Ka qytetarë që nuk e ndjekin vetëm natën e Prime-it, por e ndjekin gjatë 24 orëve. Shikuesit gjejnë gjithmonë aty një shok që është shakaxhi, apo intrigant, artist, të dashuruar, apo një i vetëm përballë të gjithëve. Mund të them që në përditshmëri kam hasur njerëz, që ankohen për gjumin e natës, për produktivitetin në punë, për faktin që kanë ndjekur deri në orët e vona Big Brother dhe më saktë Luizin”, thotë në një intervistë për Top Channel, Bruna Laboviti, psikologe.
Mundesh me e lexu edhe…
“Big Brother krijon varësi. Shumica e personave që e ndjekin rregullisht mund të themi që po hyjnë drejt rrugës së varësisë, për faktin që nuk qëndrojnë dot pa e ndjekur, dhe e monitorojnë në mënyrë të vazhdueshme për 24 orë, edhe gjumin e natës e sakrifikojnë për të ndjekur personazhet e tyre të preferuara.”
Ajo thotë se faktor tjetër janë edhe rrjetet sociale ku has gjithandej apo ka një epidemi të batutave, videove, memeve, komenteve, dhe që askush nuk do që t’i shpëtojë asnjë nga ato, në mënyrë që të ketë një mozaik më të qartë të gjithë asaj që ndodh në shtëpinë e Big Brother.
Artan Fuga, thotë se në shoqërinë shqiptare ka njerëz që kanë një moshë të caktuar që nuk janë mësuar me këtë lloj formati dhe ata kanë një model tjetër dhe ata kritikojnë, por ka të tjerë që kanë besime fetare dhe mund të kenë kritika.
“Por mos harroni se është një pjese e shoqërisë, që do zakone më të lira dhe një sinqeritet më të madh dhe hapësire më të mahe për ta treguar jetën intime dhe nuk do të fshihet. Prandaj është normale që këta njerëz mbështeten në rrjete sociale dhe të tjera. Dhe kjo është bukuria e kësaj gjëje. Fakti që ka audiencë dhe kritikohet për mua është sukses i dyfishtë,” tha Fuga.
“Ata që e shajnë e shohin, ata që e shohin e shajnë,” thotë për Top Channel Artan Fuga.
Sipas një artikulli të kohëve të fundit në Psychology Today, ekziston një lidhje mjaft e drejtpërdrejtë midis shikimit të TV realitetit dhe vojeurizmit, i cili tingëllon rrëqethës dhe sigurisht që krijon imazhe të shikimit “të punëve të të tjerëve” dhe fiksimit për jetën private të dikujt.
Pesë ekspertë na treguan idenë se përse jemi ngjitur pas televizorit javë pas jave, dhe rezulton se nuk ka shumë për t’u shqetësuar, edhe nëse kaloni orë pafund në divan, duke pritur se kush do të merr trofeun në fund./Katror.info
Përgatiti:
