Cameron Diaz zbuloi pse vendosi të bënte një pushim prej një dekade nga aktrimi. E njohur për rolet e saj në “The Holiday”, “Charlie’s Angels” dhe “Bad Teacher”, Diaz ishte një nga aktoret më të njohura në fillim të viteve 2000. Megjithatë, ajo do të merrte vendimin të tërhiqej nga karriera e saj në vitin 2014, pasi atë vit publikoi filmat “The Other Woman”, “Sex Tape” dhe “Annie”.
Në tetë vitet e ardhshme, Diaz ishte zhdukur kryesisht nga qendra e vëmendjes, duke përjashtuar një pjesë të vogël të projekteve dhe një paraqitje si gjyqtare në sezonin e shtatë të “RuPaul’s Drag Race All Stars” në 2022. Një dekadë pas vendimit të saj Diaz tani është kthyer sërish në Hollywood.
Vendimi i Diaz për t’u rikthyer është ai që mund të ketë habitur fansat pasi ajo kishte zbuluar më parë se ishte larguar nga industria për t’u fokusuar në ndërtimin e një familjeje. Ylli i “Mask” u martua me kitaristin e ‘Good Charlotte’ Benji Madden në vitin 2015, përpara se të mirëpriste fëmijën e tyre të parë, një vajzë të quajtur Raddix, në dhjetor 2019. Ata më vonë do të mirëpritnin fëmijën e tyre të dytë, një djalë të quajtur Cardinal, në fillim të këtij viti.
Duke folur për vendimin e saj për t’u tërhequr, ajo i tha Yahoo Finance në vitin 2021: “Të jesh e martuar dhe të kesh bërthamën tonë të vogël të një familjeje, është thjesht gjëja më e mirë. Unë nuk kam atë që duhet për t’i dhënë një filmi atë që duhet të bëhet. E gjithë energjia ime është këtu”.
Së fundmi Diaz, teksa promovonte botimin e saj të parë “The Body Book”, zgjodhi të ndante me ndjekësit qëndrimin e saj rreth problemeve të ndryshme të lidhura me pamjen dhe promovimin e jetëgjatësisë më mirë sesas shqetësimit për t’u dobësuar. Ajo tha se:
“E kam provuar botoksin më parë, një prekje fare të vogël por që ma ndryshoi fytyrën në një mënyrë kaq të çuditshme saqë mendova: ‘Jo, unë nuk dua të jem kështu’. Preferoj më mire të shoh fytyrën time të plakur sesa të shoh një fytyrë që nuk më përket fare mua.”/Katror.info
Përgatiti:
