Blerja e rrobave të dorës së dytë ka shumë përfitime. Jo vetëm që të ofron mundësinë t’gjesh artikuj unikë dhe t’eksperimentosh me stilin personal, blerja e këtyre rrobave po ashtu promovon një të ardhme më të qëndrueshme dhe që çdo herë rrikthehet në industrinë e modës. Kombinim i mirë apo jo?
Pra, nëse je duke kërkuar mënyra për të blerë në forma ma të qëndrueshme ose po kërkon t’i shtoni pak individualitet gardërobës tënde, ekzistojnë shumë arsye pse duhet ta nisësh që sot këtë.
Blerja e second-hand i mban artikujt në qarkullim
Së pari, blerja e rrobave të përdorura ndihmon për t’i mbajtur ato në qarkullim për shumë më gjatë. Kjo do të thotë se nuk është vetëm e mirë për ty, por edhe më mirë për planetin.
Mundesh me e lexu edhe...
Industria e modës është jashtëzakonisht e dëmshme dhe sipas WRAP, rreth 140 milionë paund rroba dërgohen në landfill çdo vit vetëm në Mbretërinë e Bashkuar. Ajo që është më e keqja është se shumë njerëz në Mbretërinë e Bashkuar kanë pranuar se i kanë hedhur rrobat krejtësisht të mira pas vetëm disa veshjeve, shkruan Re-Fashion.
Ne të gjithë mund të luajmë rol kur bëhet fjalë për promovimin e një industrie më të qëndrueshme të modës dhe një nga mënyrat më të mira për t’i mbajtur rrobat jashtë landfillit dhe për të zvogëluar ndikimin e tyre është t’i mbani ato në qarkullim për më gjatë. Në fakt, mbajtja e rrobave në përdorim për vetëm 9 muaj shtesë mund të zvogëlojë gjurmën e tyre të karbonit, ujit dhe mbetjeve me 20-30%.
Kursen para
Blerja e rrobave të dorës së dytë kushton shumë më pak se blerja e të rejave pothuajse çdoherë. Me kalimin e kohës, kjo mund të çojë në një sasi të konsiderueshme kursimesh.
Është e rëndësishme të mbani mend se vetëm për shkak se rrobat e përdorura janë më të lira, kjo nuk do të thotë se kanë cilësi më të dobët – në shumicën e rasteve, në fakt është e kundërta.
Blerja e rrobave të përdorura shpesh paraqet mundësinë për të gjetur rroba me cilësi të lartë pa çmimin pagesë shtesë.
Realiteti është se shumë njerëz veshin artikuj të modës së shpejtë vetëm disa herë para se të jenë gati t’i lënë anash dhe të marrin diçka të re.
Mund t’gjesh outfite unike për shijen tënde
Një nga gjërat më të mira të blerjeve të rrobave të përdorura janë mundësitë që ofron për të zbuluar veshje unike që askush tjetër nuk i ka. Një pjesë e argëtimit është gjuetia e veshjeve siç njihet, apo kërkimi i artikujve të veçantë derisa ta gjesh të përsosurin.
Pavarësisht nëse është një pallto vintage apo një këmishë e disa sezoneve më parë, blerja e modës së parapëlqyer do t’ju ndihmojë të shtoni një ndryshim unik në veshjet tuaja në vend që të keni varëse rrobash të mbushura me të njëjtat artikuj të modës së shpejtë që i kanë të gjithë.
Rrobat e dorës së dytë për kauza të mira
A mund ta mendosh ndonjë gjë më të mirë sesa t’i gjesh rrobat tuaja të preferuara më lirë, e të njëjtën kohë duke mbështetur kauzat që i përkrah? interesojnë?
Nëpër botë shitja e artikujve secondhand përdoret si mënyrë për t’i përkrahur kauzat e ndryshme, qofshin ato mjedisore, shoqërore apo edukative. Kjo metodë aplikohet nga shumë organizata joqeveritare për ta rritur ndërgjegjësimin dhe vetëdijesimin tek grupet shoqërore.
Blogerja Pierre Carr na tregon se si mund t’i stilojmë disa veshje second-hand./Katror.info
Përgatiti:
