Boronica ndihmon zhvillimin e trurit, zbut lëkurën e thatë dhe luan rol edhe në pengimin e zhvillimit të qelizave kancerogjene.
Por këto nuk janë gjërat e vetme në të cilat ndikon boronica. Lexo disa arsye tjera se pse duhet ta konsumoni sa më shpesh këtë frut.
Plot vitamina dhe minerale
Boronicat janë të pasura me lëndë ushqyese. Një filxhan me boronica siguron marrjen e rekomanduar ditore të këtyre vitaminave: Vitaminë C (24%), vitaminë K (36%), mangan (25%) dhe fibra dietike: (14%).
Vitamina C është e njohur për rritjen e sistemit tuaj imunitar dhe forcimin e funksioneve të tjera të trupit, ndërsa vitamina K ndihmon në mpiksjen e gjakut.
Ndihmon imunitetin
Hulumtimet kanë dëshmuar se boronica përmban antioksidantë që i neutralizojnë radikalet e lira që hyjnë në organizëm nëpërmjet pesticideve ose tymit. Shumica e vetive të mira që ka boronica vjen nga pigmenti që ua jep ngjyrën e kaltër të errët.
Shikimi
Dy porcione boronica në ditë e reduktojnë rrezikun nga humbja e shikimit si pasojë e plakjes për 38%.
Ndihmon në menaxhimin e sheqerit në gjak
Për shkak se boronicat janë të larta në fibra dhe kanë më pak sheqer në krahasim me frutat e tjerë, ato nuk shkaktojnë rritje të sheqerit në gjak. Për njerëzit me kushte të caktuara shëndetësore, shkencëtarët dyshojnë se ky efekt pozitiv mund të ndihmojë në menaxhimin e sheqerit në gjak.
Pak kalori
Polifenolët që gjenden në boronica ndikojnë në shpërbërjen e qelizave yndyrore, gjë që veçanërisht theksohet në shtresat e dhjamit rreth barkut. Ky frut përmban shumë pak kalori, kështu mund ta ofrojë një ndihmë të madhe, nëse jeni duke kërkuar që të humbni peshë.
Një porcion me boronica përmban rreth 4 gramë fibra, që është 14 për qind e dozës së rekomanduar ditore. Boronicat ndihmojnë në hidratimin e traktit të zorrëve, gjë që është shumë e rëndësishme për funksionimin normal të tyre.
Boronica është gjithashtu një frut i përshtatshëm për ushqim në çdo kohë. Mund t’i shijoni në drithëra, tërshërë, smoothie ose sallata.