Pavarësisht përmirësimeve të mëdha në infrastrukturën e çiklizmit në shumë qytete anembanë botës, përsëri shumica e qytetarëve ende nuk shkojnë në punë me biçikletë.
Sot më shumë se kurrë duhet ta konsiderojmë biçikletën si njërin ndër mjetet për të lëvizur qoftë për punë, qoftë për qejf, nëpër qytet dhe më gjerë. Ekzistojnë shumë arsye pse biçikleta është një mjet me shumë përparësi.
Lëvizja me biçikletë është argëtim!
Lëvizja me biçikletë për në punë është argëtuese dhe e thjeshtë. Ecja me biçikletë për në punë ju lejon t’i riktheheni kujtimeve tuaj të fëmijërisë dhe atë ndjenjë ngazëllyese ta integroni në punën tuaj të përditshme. Përpos që mund ta vëzhgoni mjedisin përreth, t’i dëgjoni zogjtë dhe kafshët e tjera, do të ndiheni shumë pranë natyrës.
Mundesh me e lexu edhe…
Bëni fitnes!
Lëvizja me biçikletë ju ndihmon të bëni fitnes. Derisa kaloritë e sakta të djegura në një udhëtim ndryshojnë varësisht personit, shpejtësisë së tij dhe topografisë, çiklizmi mesatarisht djeg po aq kalori sa vrapimi. Çiklizmi përmirëson aftësinë tuaj kardio-vaskulare dhe aerobike, ul presionin e gjakut, rrit energjinë, ndërton muskuj dhe përmirëson koordinimin, shkruan Momentum Mag
Ju sjell pozitivitet
Lëvizja me biçikletë ju ndryshon disponimin tuaj dhe ju bënë më pozitiv për ta nisur ditën tuaj. Gjersa shumica e njerëzve bëhen nervoz si shkak i kohës në trafik, lëvizjes së kufizuar nëpër qytetin e të mbingarkuar dhe mungesën e parkingjeve, udhëtimi me biçikletë për në punë mund ta transformojë udhëtimin tuaj të përditshëm në një formë të moderuar terapie. Studime të shumta kanë treguar se ushtrimet e përditshme mund të reduktojnë stresin, të lehtësojnë simptomat e depresionit, të përmirësojnë modelet e gjumit për individët me pagjumësi dhe të reduktojnë ankthin.
Ju bën më inteligjent
Ecja me biçikletë në punë ju bën më të zgjuar. Ndërsa mund të mos ju shndërrojë në një astrofizicient brenda natës, hulumtimet kanë vërtetuar se ushtrimet e moderuara, të përditshme mund të parandalojnë rënien e njohurive, ta mprehin kujtesën dhe ta mësuarit, si dhe t’ua përmirësojnë performancën e përgjithshme të trurit gjatë punës suaj.
Ju kursen PARA!
Ecja me biçikletë për në punë ju kursen para. Shumë para. Në vitin 2021, një familje mesatare amerikane shpenzoi më shumë se 5000 dollarë vetëm për pagesat e karburanteve të veturave dhe sigurimit.
Sot, me rritje marramendëse të çmimeve të benzinës, kostoja e përdorimit të një veture dhe ngasja për në punë çdo ditë çdo ditë po shkon e po rritet. Ia vlen të investoni në një biçikletë, e cila nuk shfrytëzon as energji as benzinë, por shfrytëzon kaloritë e tuaja të panevojshme.
Kësisoj, përveç që do t’i bëheni mik vetvetes, do t’i bëheni mik edhe natyrës. /Katror.info
Përgatiti:
