Ndonjëherë ne bëhemi aq emocionalë për diçka, sa që harrojmë të mendojmë përpara se të flasim, është pjesë e natyrës njerëzore. Duket si diçka që e paralizon trurin tonë racional dhe logjik, dhe gjatë procesit, truri ynë emocional lejon që të dalin nga goja fjalë, që kurrë nuk duhet të kishin dale, shkruan Carol Morgan – Ph.D. në Komunikim, folëse televizive, trajnere dhe autore, transmeton ProspecTime Consulting
Sidoqoftë, disa njerëz e bëjnë këtë më shpesh se të tjerët. Mëposhtë gjeni disa arsye pse duhet të mendoni para se të flisni. Disa njerëz mund të jenë mësuar nga prindërit e tyre të mendojnë përpara se fjalët të dalin nga goja e tyre. Por shumë të tjerë nuk e kanë bërë. Nëse jeni në këtë grup, atëherë duhet të mendoni seriozisht rreth këtyre arsyeve shumë të rëndësishme, pse duhet të mendoni përpara se të thoni diçka.
1. Fjalët tuaja pasqyrojnë kush jeni
2. Fjalët kanë fuqi
Jam i sigurt që ju jeni të vetëdijshëm për lëvizjen gjuhësore politikisht të saktë. Në thelb është ndryshimi i fjalëve në ato më të këndshme. Për shembull, përsëri në vitet 1970, njerëzit përdornin fjalën “i vonuar” për të përshkruar një person që ishte mendërisht më i ngadaltë se mesatarja. Por që nga ajo kohë, njerëzit kanë filluar ta përdorin atë si fyerje. Kështu që, me kalimin e kohës, ne kemi adoptuar fjalë dhe fraza të ndryshme si “nevoja të veçanta”.
3. Fjalët mund të dëmtojnë (ose ndihmojnë) njerëzit
Siç e përmenda, fjalët kanë fuqi, dhe një pjesë e kësaj fuqie mund të jetë e mirë ose “e keqe”. Pra, është e rëndësishme të siguroheni që fjalët që përdorni të ndihmojnë njerëzit në vend që t’i lëndojnë ata.
4. Emocionet mund t’ju bëjnë të thoni gjëra që as nuk i keni menduar
5. Ju mund të keni supozuar diçka, nga ana e personit tjetër
Ndonjëherë, njerëzit thonë gjëra që interpretohen si e kundërta e asaj që synonin. Prandaj, sigurohuni që të flisni me ta për të parë se çfarë nënkuptojnë ata në të vërtetë, përpara se të supozoni.
6. Ju mund të bëni reagim të tepruar
Kur mendojmë se dikush tha ose bëri diçka të dëmshme për ne, emocionet tona priren të arrijnë majat. Instinkti ynë automatik është të shpërthejmë.
7. Marrëdhënia juaj me njerëz të tjerë (ose situata) nuk justifikon fjalët tuaja
Ju duhet të vlerësoni nëse ajo që do të thoni është në përshtatje me llojin e marrëdhënies që keni me një person të caktuar.
8. Ju mund të gjykoni shumë ashpër
Nëse automatikisht filloni të kritikoni dhe gjykoni një person tjetër, ai do të mbrohet. Dhe kur kjo ndodh, ajo pasohet nga më shumë negativitet dhe biseda (por edhe marrëdhënia) mund të bëhet e shëmtuar.
9. Fjalët mund të shkatërrojnë marrëdhëniet
Mendoni pak – a do të donit të qëndronit me dikë që ju thërriste vazhdimisht me nofka e që nënkuptonin gjëra të këqia? Sigurisht që jo! Fjalët tuaja mund të shkatërrojnë marrëdhënien tuaj.
10. Fjalët mund të ndikojnë në veprimet e njerëzve të tjerë
11. Ju kurrë nuk mund ta ktheni mbrapsht fjalën e thënë
Çfarë duhet të bëni?
Së pari, duhet të prisni të paktën 5 ose 10 sekonda përpara se të thoni diçka, veçanërisht kur ndiheni të mërzitur ose të zemëruar. Nëse nuk mund ta mbani gojën mbyllur, atëherë një alternativë është: të largoheni nga dhoma ose situata.
Kur ndaloni ose dilni nga dhoma, në ato pak sekonda, duhet të mendoni nëse keni një arsye të mirë për të folur. A janë komentet tuaja të rëndësishme, të përshtatshme ose të dobishme? Nëse jo, mbase nuk duhet të thoni gjë.
Para se të flisni, merrni parasysh ndjenjat e personit tjetër. Si do të ndikojë tek ai? Besoni apo jo, do të ndikojë. Dhe nëse zbuloni që mund të thoni diçka që nuk do donit, atëherë duhet të kërkoni falje dhe të merrni përgjegjësi personale për veprimet dhe fjalët tuaja.
Dhe në fund, mos harroni të mësoni nga gabimet tuaja! Të gjithë kemi thënë gjëra për të cilat jemi penduar. Ndodh. Por ndryshimi midis njerëzve që mësojnë nga gabimet gjatë gjithë kohës dhe të tjerëve, është se ata tani dinë ta bëjnë më mirë këtë gjë.
Si përfundim nëse e keni të vështirë të mendoni përpara se të flisni, mos e fajësoni veten për këtë. Megjithatë, kjo nuk do të thotë që nuk duhet të përpiqeni për ndryshime pozitive.
Ndjeshmëria është thelbësore – mendoni se si fjalët tuaja ndikojnë tek të tjerët. Ju dëshironi të keni një ndikim pozitiv mbi njerëzit e tjerë. Prandaj, sigurohuni që t’i zgjidhni fjalët tuaja me mençuri/ ProspecTime Consulting.
Përgatiti:
