Në mbledhjen e fundit të saj, Qeveria në detyrë e Kosovës ka marrë vendim për të ndarë një shumë prej 40 mijë eurosh për mbështetje financiare të dy familjeve të zjarrfikësve që humbën jetën gjatë kryerjes së detyrës në vitin 2024.
Kryeministri në detyrë, Albin Kurti, tha se secila nga familjet, Osmani dhe Kaqunlimaj, do të përfitojë nga 20 mijë euro.
“Do të ndajmë 40 mijë euro për mbështetje për dy familjet e zjarrfikësve, familjes Osmani dhe Kaqunlimaj, që humbën jetën në vendin e punës në vitin 2024. Pra, 20 mijë euro për familjen Osmani dhe 20 të tjera për familjen Kaqunlimaj”, deklaroi Kurti.
Mundesh me e lexu edhe…
Vendimi vjen si shenjë respekti dhe mirënjohjeje për sakrificën dhe shërbimin e zjarrfikësve në mbrojtje të jetës dhe sigurisë së qytetarëve./Katror.info
