Manchester City pret Bayern Munchen në çerekfinalen e parë të Ligës së Kampionëve
Kampionët e Anglisë dhe Gjermanisë përballen në “Etihad”, ku Manchester City pret Bayern Munich në ndeshjen e parë çerekfinale të Ligës së Kampionëve. Ndërsa në Evropë, të dyja ekipet kanë bërë mjaft mirë këtë sezon, në kampionatet respektive kanë vuajtur në mbrojtjen e titullit.
Me fitoren e fundit ndaj “Sauthempton, “Citicens” morën suksesin e tetë radhazi.
Mundesh me e lexu edhe…
Gjatë këtyre sfidave, skuadra e Guardiolës ka shënuar 31 gola. Për më tepër që pjesë e Sitit është Erling Haaland, që vetëm në Premier Ligë ka realizuar 30 gola.
Edhe pse kryeson në Bundesligë, për Bajernin ka qenë një sezon i trazuar. Edhe pse ka pak ndeshje në stol, Tomas Tuhel ka për detyrë të përmirësojë mbrojtjen, që vetëm në gjashtë takime nga 16 e ka mbajtur portën e paprekur.
Në pesë sfida ka pësuar dy e më shumë gola. Por Tuchel di se si ta mundë Guardiolën. Ai arriti në finalen e kompeticionit në 2020 dhe 2021. Në finalen e 2021, ai mundi Cityn e Pep me Çelsin, vetëm pak javë, pasi i eliminoi në gjysmëfinalet e Fa Cup.
Benfica pret Inter
“Shqiponjat” janë të pamposhtur në Ligën e Kampioneve, zikaltrit duan të përsërisin suksesin e Portos
Në “Estadio da Luz” Benfica do të kërkojë suksesin e radhës në Ligën e Kampioneve, ndërsa do të përballet me Interin.
“Shqiponjat” eliminuan Klub Bruzh në të 16-at dhe mbërrijnë në tetat për herë të dytë radhazi, ndërkohë që zikaltrit mposhtën portugezët e Portos dhe kthehen në këtë fazë pas 12 vitesh.
Benfica nuk është mposhtur asnjëherë në Ligën e Kampioneve të këtij sezoni, ashtu si edhe Manchester City dhe Bayern Munich .
Vetëm Napoli me 25 gola ka shënuar më shumë në Champions se sa Benfica, që është në kuotën e 23 golave.
Por “shqiponjat” u mundën të premten nga Porto 2-1 në kampionat, e tani kanë 7 pikë avntazh në krye të renditjes.
Kjo ishte humbja e parë e vitit për “Shqiponjat”.
Në këtë takim do të mungojnë lojtarët kyç Julian Draxler, Alexander Bah, Goncalo Guedes dhe Mihailo Ristic.
Ndërkohë që Interi ka vuajtur të gjejë rrjetën në Serie A së fundmi.
Pas suksesit ndaj Portos, zikaltrit u mundën nga Bolonja. Kjo solli një ecuri negative ku në 7 takime në të gjitha kompeticionet, u mor vetëm 1 fitore.
Skuadra e Inzagit ka vuajtur edhe për shënimin e golave, ku në tre nga shtatë sfidat, ka realizuar vetëm 1 gol. Në tri ndeshjet e tjera, nuk ka gjetur rrugën e rrjetës.
Tek Interi, Skriniar dhe Calhanoglu janë në dyshim, ndërsa Lukaku pritet ta nisë nga stoli.
Në 3 takime mes ekipeve, dy kanë dalë barzim dhe italianët kanë fituar 1 herë.
Madonna e penduar për ndërhyrjet estetike
Artistja u kritikua nga fansat gjatë paraqitjes në ceremoninë e çmimeve Grammy
Madonna po kërkon të bëjë gjithçka që duhet për të rikthyer pamjen e saj natyrale përpara turneut botëror.
Artistja u përball me kritika të pafundme nga fansat pas paraqitjes në ceremoninë e ndarjes së çmimeve Grammy kur u ngjit në skenë për të prezantuar këngëtarët Kim Petras dhe Sam Smith për performancën e tyre.
Gjatë daljes së saj fansat vunë në dukje se sa ndryshe dukej fytyra e saj në krahasim me vitet e kaluara.
“Pavarësisht asaj që njerëzit mendojnë, kritikat e ndryshme për pamjen e saj e prekën atë”, tha një burim për Daily Mail.
Krijuesja e hitit “Like A Prayer” po i nënshtrohet procedurave që do t’i rikthejnë tiparet e saj natyrore.
Madonna do të nisë “The Celebration Tour”, i cili përkujton katër dekadat e saj në muzikë, më 15 korrik në Vankuver. Ajo do të performojë në 53 koncerte në të gjithë Amerikën e Veriut përpara se pjesa e turneut të saj në SHBA të përfundojë në janar 2024. /Katror.info
Përgatiti:
