Pas vitesh thashetheme, Shrek 5 tani është zyrtarisht në zhvillim me Mike Myers, Cameron Diaz dhe Eddie Murphy. Mediat e huaja shkruajnë se themeluesi dhe CEO i Illumination, Chris Meledandri, në një intervistë të fundit ka konfirmuar se “Shrek 5” është në zhvillim dhe këtë herë do t’i kushtohet personazhit të Gomarit.
“Ne presim që kasti të kthehet. Bisedimet po fillojnë tani dhe çdo tregues që kemi marrë është se ka një entuziazëm të jashtëzakonshëm nga aktorët për t’u rikthyer,”-tha Meledandri.
Kur u pyet nëse mendonte se Gomari ishte një personazh që mund të mbështeste filmin e tij, të ngjashëm me spinoffet e maceve luftarake me protagonist Antonio Banderas, Meledandri u përgjigj: “Pa diskutim. Gomari është më qesharak se Puss in Boots. Dua të them, unë e dua Puss in Boots, por ai nuk është qesharak si Gomari.”
Shrek është një film i animuar i vitit 2001 i drejtuar nga Andrew Adamson dhe Vicky Jenson, i bazuar në librin e vitit 1990 me të njëjtin emër nga William Steig. Ai u vlerësua gjerësisht nga kritikët për animacionin e tij, interpretimet vokale, skenari dhe humori, të cilat kritikët vunë re se u bënë thirrje të rriturve dhe fëmijëve në të njëjtën kohë. “New York Times” e vendosi filmin në listën e 1000 filmave më të mëdhenj ndonjëherë dhe në vitin 2020 u zgjodh për t’u ruajtur në Regjistrin Kombëtar të Filmit të Bibliotekës së Kongresit të Shteteve të Bashkuara./Katror.info
Përgatiti:
