Këngëtarja kosovare me famë botërore, Rita Ora, është shprehur falënderuese ndaj Postës së Kosovës, që e befasoi me një pullë postare për ditëlindjen e 32-të të artistes.
“Sot ndihem shumë mirënjohëse. Faleminderit Posta e Kosovës për një befasi të veçantë e të bukur për ditëlindjen time. Ndihem shumë e lumtur dhe e nderuar që jam pranë gjyshit tim Besim Sahatçiu, i cili po aq u vlerësua për kontributin e tij në art dhe film,” ka shkruar Ora në Facebook.
“Më vjen shumë keq që nuk munda të jem fizikisht aty për shkak të angazhimeve të punës për ta marrë personalisht, por kur të kem mundësi ju premtoj se do të vij dhe do të tregoj vlerësimin tim”, ka shkruar Ora.
Mundesh me e lexu edhe…
Posta e Kosovës ka njoftuar se këngëtarja jonë me famë botërore, Rita Ora, është bërë pjesë e thesarit të pullave postare të Filatelisë së Postës së Kosovës. Në njoftim thuhet se pulla me imazhin e saj është lëshuar në qarkullim sot, më 26 nëntor, në një ditë të veçantë për artisten e madhe shqiptare dhe britanike, pikërisht në ditëlindjen e saj.
“Për më shumë se dhjetë vite në majat më të larta të skenës muzikore dhe artistike ndërkombëtare, ajo shfrytëzoi çdo rast që përmes famës së vet të promovojë vendin e saj të lindjes, Kosovën, si dhe tërë kombin shqiptar. Ajo ishte frymëzimi i parë për të rinj e të reja që të ndjekin dhe t’i bëjnë realitet ëndrrat e tyre edhe përtej kufijve të trojeve shqiptare”, thuhet në njoftim. /Katror.info
Përgatiti:
