Këngëtarja e njohur e hitit “I Will Never Let You Down”, Rita Ora, 34 vjeçe, ka folur për marrëdhënien e saj me Taika Waititin, duke treguar se lidhja e tyre funksionon për shkak se shpesh ndihen më shumë si miq të ngushtë sesa si burrë e grua.
Duke folur në një intervistë të fundit për revistën “Hunger”, artistja e klasifikuar në krye të top-listave muzikore u shpreh: “Unë dhe Taika jemi në thelb thjesht miq më të mirë dhe thjesht donim të jetonim në atë element përgjithmonë, besoj”.
Çifti kurorëzoi dashurinë e tyre në gusht të vitit 2022, në një ceremoni shumë intime në ambient të hapur në Los Angeles.
Mundesh me e lexu edhe…
Por duke qenë një punëtore e palodhur, mëngjesin e ardhshëm pas dasmës, Rita ishte sërish në studio, duke shkruar këngën titullare të albumit të saj të tretë, “You and I”.
Rita, e cila sapo ka përfunduar xhirimet e filmit të ri “Voltron”, është tani e përqendruar thellësisht në regjistrimin e albumit të saj të katërt, me muzikë të re që pritet në të ardhmen e afërt.
Duke folur prapa skenave në festivalin ‘Mighty Hoopla’ verën e kaluar, Rita i tha tabloidit britanik The Sun: “Albumi po shkon vërtet mirë. Po e marr një këngë në një kohë, për të qenë e sinqertë. Nuk jam e sigurt nëse do të jetë gati për këtë vit, por gjëja më e mirë te labeli im [BMG] është që kam kohën e nevojshme dhe ata janë vërtet të qetë në këtë aspekt”.
E vendosur për të mos e kufizuar veten në një fushë të vetme, Rita synon të ndjekë gjurmët e idhullit të saj, Jennifer Lopez, duke bërë gjithçka – nga muzika dhe filmi te televizioni dhe moda.
Në intervistën për Hunger, ajo tha: “Më pëlqen të bëj shumë gjëra. Më bën të ndihem gjallë. Më mbush me entuziazëm. Më sfidon. Ne jemi individë dhe kemi të drejtën të zgjedhim si dhe kur duam të jemi vetvetja… Është diçka natyrale, e dini – jemi rritur duke i emërtuar dhe etiketuar gjërat, si ‘kjo është një mollë’, ‘kjo është një dardhë’ apo çfarëdo tjetër. Por unë dua vërtet të ndihem sikur s’ka asnjë etiketë. Kjo ka qenë gjithmonë ëndrra ime – të ekzistoj thjesht brenda artit dhe argëtimit”.
Ajo shtoi për revistën: “Kjo jam unë dhe kjo është ajo që më pëlqen të bëj. Jam vërtet e emocionuar për të ardhmen – vërtet s’ka asnjë kufi”. /Katror.info
Përgatiti:
