Këngëtarja e njohur shqiptare me famë ndërkombëtare, Rita Ora, ka vazhduar të impresionojë botën e televizionit me paraqitjen e saj të fundit si anëtare e jurisë në spektaklin “The Masked Singer”.
Me një prani të fortë dhe një energji që kap vëmendjen e çdokujt, është viti i katërt që ajo merr pjesë si paneliste e jurisë në këtë spektakël të dashur nga audienca.
Në një seri fotografish që ajo ka ndarë me fansat në Instagramin e saj personal, Rita Ora shfaqet e veshur me një fustan të bardhë, të shkurtër dhe të zbukuruar me xixa që i shton aspektin tërheqës dhe glamuroz.
Mundesh me e lexu edhe…
Stili i saj i veçantë dhe ndjesia natyrale për modën e bëjnë që paraqitja e saj në çdo episod të jetë një moment që shumë presin ta shohin me padurim.
“Një episod me shkëlqim sonte në ‘The Masked Singer UK’. E mahnitur nga të gjitha performancat”, ka shkruar këngëtarja në një postim në Instagram, duke treguar kënaqësinë dhe entuziazmin e saj për atë që ka parë dhe përjetuar në spektakël.
Një element kyç i “The Masked Singer” është surpriza dhe misteri që rrethon identitetin e pjesëmarrësve të maskuar, dhe Rita Ora ka treguar se është një detektive e aftë dhe e angazhuar në zbulimin e të gjitha maskotave që i dalin përpara.
Me një sy të mprehtë për detajet dhe një ndjeshmëri për muzikën, ajo ka kontribuar në ndihmën e madhe për të zgjidhur misteret e spektaklit.
Me paraqitjet e saj të shkëlqyera në “The Masked Singer”, ajo jo vetëm që i ka argëtuar shikuesit, por edhe ka vazhduar të forcojë pozicionin e saj si një nga figurat më të ndritshme në industrinë e shoubizit. /Katror.info
Përgatiti:
