Turizmi në Kosovë ka shënuar një rritje të dukshme gjatë muajit prill të këtij viti, duke reflektuar një rikthim të interesimit për vendin si destinacion turistik, shkruan Katror.info.
Sipas të dhënave zyrtare të publikuara nga Agjencia e Statistikave të Kosovës (ASK), numri i përgjithshëm i vizitorëve është rritur për 12.4%, ndërsa net qëndrimet e tyre kanë pasur një rritje edhe më të theksuar prej 17.9%, krahasuar me të njëjtën periudhë të vitit 2024.
Sipas raportit të ASK-së, në prill të vitit 2024, Kosova kishte pritur 30,014 vizitorë të huaj, ndërsa në prill të këtij viti ky numër ka arritur në 32,432 vizitorë. Kjo rritje vjen si rezultat i përmirësimeve të vazhdueshme në infrastrukturën turistike, promovimit ndërkombëtar dhe stabilitetit në sektorin e shërbimeve.
Mundesh me e lexu edhe…
Në raport gjithashtu theksohet se numri më i madh i vizitorëve të huaj ka ardhur nga Shqipëria, Gjermania, Turqia dhe Zvicra, vende që tradicionalisht mbajnë lidhje të ngushta me Kosovën, si përmes diasporës, ashtu edhe përmes interesimit kulturor dhe historik.
Këto shifra tregojnë për një zhvillim pozitiv të sektorit të turizmit dhe kontribuojnë në ekonominë vendore, duke inkurajuar më tej investimet në këtë fushë./Katror.info
