Përveçse një frut i shijshëm dhe i ëmbël, rrushi është ndër përbërësit e fillimit të vjeshtës, që nuk do jetë i pranishëm vetëm në tavolina, por edhe për kujdesin e lëkurës.
I pasur me antioksidantë, ai është përbërës i kremrave, scrub-eve, serumeve dhe trajtimeve që e bëjnë lëkurën rrezatuese dhe elastike.
Kapaciteti parësor i këtij fruti, të paktën në fushën e kujdesit të lëkurës, është të ndihmojë lëkurën të mos plaket.
Mundesh me e lexu edhe…
Rrushi është shumë i pasur me antioksidantë të cilët kanë për detyrë jo vetëm të eliminojnë radikalet e lira, por edhe të mbajnë lëkurën të tonifikuar. Në fakt ata veprojnë edhe duke stabilizuar elastinën dhe kolagjenin dhe në këtë mënyrë parandalojnë shenjat e plakjes.
- Advertisement -
Përbërësit aktivë që rrjedhin nga rrushi janë gjithashtu veçanërisht të përshtatshëm për lëkurë të ndjeshme. Merita është e polifenoleve që forcojnë kapilarët epidermalë duke përmirësuar kështu mikroqarkullimin lokal.
Kjo është thelbësore në ditët më të ftohta dhe në ato që karakterizohen nga një ndryshim i vazhdueshëm i temperaturës.
- Advertisement -
E fundit por jo më pak e rëndësishme, rrushi ka edhe virtyte detoksifikuese, jo vetëm për lëkurën, por për të gjithë trupin.
Nuk është për t’u habitur që shumë ekspertë rekomandojnë ta përfshini atë në dietën tuaj, duke ngrënë lëkurën dhe farat, pikërisht sepse rrushi pastron trupin nga brenda për rreth 48 orë.
Rrushi përmban shumë kripëra minerale si kalium, fosfor dhe hekur, por edhe vitamina, veçanërisht C, A dhe B1.
Megjithatë, fuqia e vërtetë kundër plakjes gjendet në farat. Ato përfshijnë shumë antioksidantë, si vitaminat C dhe E dhe beta-karoten, të cilat veprojnë duke hequr të gjithë elementët e dëmshëm që mund të dëmtojnë epidermën.
Përgatiti:
Reita Demi
- Advertisement -
