Tenori i mirënjohur shqiptar, Saimir Pirgu, që prej vitesh vazhdon të shkëlqejë në skenat teatrore më të rendësishme botërore dhe së fundmi ka bëtë të ditur se do të performojë edhe në Prishtinë më 10 dhjetor.
Ai do të interpetojë në kuadër të Operës së Kosovës, e njëkohësisht do të lansojë albumin e tij të ri “Saimir”.
Pirgu nga Prishtina do të nisë turneun e tij të këtij albumi, për të vazhduar më pas me të njëjtin koncert edhe në Barcelonë. Koncerti vjen nën dirigjimin e Elda Laro.
Mundesh me e lexu edhe…
Ndërkohë, ai së fundi, pas 13 vjetësh mungesë, është rikthyer në skenën shqiptare të Teatrit Kombëtar të Operas e Baletit. Nëpërmjet operës “Toska” të Puçinit, ai interpretoi rolin e Kavaradosit.
Biletat e kësaj shfaqjeje të shumëpritur ishin shitur në kohë rekord. “Toska” megjithëse e vënë shumë herë në skenën e TKOB-së, mori rëndësi për faktin se përveç rikthimit të tenorit Pirgu, i jep fund “Vitit Puçinian”, në nder të kompozitorit Xhakomo Puçini.
“Toska” është një udhëtim mes pasionit, xhelozisë dhe sakrificës. Ngjarjet vendosen në Romën e shekullit XIX dhe eksplorojnë marrëdhënien komplekse mes një këngëtareje pasionante, një artisti idealist dhe një shefi policie sadist./Katror.info
Përgatiti:
