Kushdo që asht merakli i ushqimit e kupton merakun për me e zbulu nji recetë t’re, autentike e interesante që rrallëkush e përgatitë, por që përgatitet lehtë. E ne jemi pikërisht nga ata njerëz që nuk pritojmë hiç me gjetë receta t’tilla, sidomos nëse janë t’shijshme, t’shëndetshme dhe ekonomike. Andaj, edhe kësaj radhe kemi ardhë me nji t’tillë e që i takon kuizinës lebaneze.
Nji prej sallatave ma t’shijshme e autentike n’kuzhinën lebaneze asht edhe sallata me sos tahini e cila ‘pos që asht unike n’shije, asht edhe e lehtë me u përgatitë. Krejt çka e ban këtë sallatë interesante asht fakti që n’nji kafshatë ti mundesh me i përtheku krejt përbërësit edhe me i hetu t’gjitha shijet – ama këtë gja ne e beson, veç kur ta provojsh vet.
PËRBËRËSIT:
2 domate (t’prera n’kubëza t’vogla)
2 kastraveca (t’prerë n’kubëza t’vogla)
1/2 qepë e kuqe (e prerë n’kubëza t’vogla)
1 spec i gjelbër paprika (i prerë n’kubëza t’vogla)
Langu i 1 limoni t’shtrydhun
4 lugë gjelle tahin (sos/gjalpë susami)
2 thelpinj hudhre (t’grira imët)
1 tufë magdanoz i freskët (i grirë)
1/3 tufë mente (e grirë)
1 lugë çaji kripë
1 lugë çaji biber i zi
HAPI 1:
N’nji pjatë t’thellë shto erëzat, tahinin dhe langun e limonit dhe përzije sasinë me tel kuzhine deri sa t’krijohet nji konsistencë e langshme dhe e njitrajtshme.
Mundesh me e lexu edhe…
HAPI 2:
N’nji enë t’thellë shto t’gjitha perimet e grira n’kubëza t’imëta dhe shto dressing-un e tahinit. Përzije masën mirë, vendose n’frigorifer për 15-30 minuta dhe servo.
REZULTATI:
Servoje sallatën me sos tahini me petë t’pjekuna tortille nëse don me ja prishë pak, ose shfrytëzoje me i shoqnu pjatat kryesore sikurse pilafi me limon dhe shnicllet gjermane t’pulës, ose nëse preferon ndonji version vegjetarian me qoftet prej qiqrave. Madje, ne t’rekomandojmë me përdorë pitalka shtëpie, me e mbushë brnedinë e tyre me qofte dhe me sallatë – ky kombinim definitivisht ka me ta dhanë nji super-shije!
E për sallata t’ngjashme si kjo lebanezja, mos e le pa e provu edhe sallatën persiane (Shirazi), sallatën virale “Cowboy Caviar”, ose salsa-n / sallatën meksikane t’misrit; sallata këto t’cilat sa janë t’lehta me u përgatitë, aq edhe janë t’shijshme dhe lehtësisht munden me u servu me çfarëdo dreke a darke. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
