Më herët këtë vit HBO konfirmoi se do të kemi një seri për djaloshin e famshëm magjistar. Kasti i serialit Harry Potter pritet të jetë krejtësisht i ri dhe besohet se do të duhen vite për t’u filmuar pasi çdo sezon do të përfaqësojë komplotin e një prej shtatë librave në total. Producenti i serialit është David Heyman, i cili nuk është i panjohur për botën e Harry Potter. Ai ishte producent i të tetë filmave, si dhe tre paravazhdimeve të Harry Potter, Fantastic Beasts.
Edhe pse pothuajse asgjë nuk dihet për serialin, Heyman vendosi të shikojë prapa dhe t’u japë adhuruesve një pamje të vogël të asaj që duhet të presin, shkruan Katror.info.
“Është herët. Ne nuk kemi punësuar as skenaristë për të filluar të shkruajmë. Është pak herët. Por shpresojmë se do të jetë diçka shumë e veçantë, e cila na jep mundësinë të studiojmë librat dhe të shijojmë një seri që eksploron librat më thellë”, tha ai.
Mundesh me e lexu edhe…
Informacioni për serialin mbahet në minimum, por supozohet se një sezon do të përbëhet nga tetë deri në 10 episode. Për adhuruesit e këtij ekskluziviteti, duhet theksuar se autori i librave, J.K. Rowling, do të punojë në serial, gjë që e mbështet më tej deklaratën e Heyman.
Daniel Radcliffe, aktori që mishëroi Harry Potter në filma, la të kuptohej dy muaj më parë se nuk do të shfaqej në serial.
“Kam kuptuar se ata duan të bëjnë një fillim të ri. Jam i sigurt se kushdo që po punon për të do të dëshirojë të lërë gjurmë në të”, tha Radcliffe./Katror.info
Përgatiti:
