Japonia është bërë kombëtarja e parë që ka siguruar vendin e saj në Kupën e Botës 2026 përmes kualifikimeve duke mundur Bahreinin 2-0 në Saitama.
Daichi Kamada i Crystal Palace dhe Takefusa Kubo i Real Sociedad shënuan në pjesën e dytë, ndërsa japonezët përparuan me tri ndeshje më pak në raundin e tretë të fushatës kualifikuese në Azi.
Kanadaja, Meksika dhe Shtetet e Bashkuara ishin të garantuar tashmë një vend në Kupën e Botës të zgjeruar të vitit të ardhshëm si mikpritës, por Samurai Blue janë të parët që e bëjnë këtë përmes kualifikueseve.
Mundesh me e lexu edhe…
Konfederatës Aziatike të Futbollit i garantohen tetë vende në turneun me 48 ekipe me një vend shtesë në dispozicion përmes play-off-eve ndërkontinentale.
Kualifikimi sheh 18 ekipe të ndara në tri grupe në raundin e tretë me dy të parat nga secili grup që kualifikohen për Kupën e Botës.
Skuadrat që përfundojnë të tretat dhe të katërt në secilin grup kalojnë në raundin e katërt për të luftuar për vendet e mbetura të disponueshme për kontinentin.
Japonia, e drejtuar nga Hajime Moriyasu, kishte arritur në 1/16 e Kupës së Botës 2022 në Katar, vetëm për të humbur ndaj Kroacisë në penallti.
Ata shënuan gjashtë fitore nga gjashtë ndeshje në raundin e dytë të kualifikimeve 2026 dhe janë gjithashtu të pamposhtur në raundin e tretë me gjashtë fitore dhe një barazim.
Australia e vendit të dytë, e cila mundi Bahreinin 5-1, është nëntë pikë larg Japonisë. /Katror.info
Përgatiti:
