Kryeministri i Shqipërisë, Edi Rama, ka njoftuar arritje të reja në sektorin e turizmit për vitin 2024, duke e cilësuar atë si një tjetër vit rekord për vendin.
Sipas tij, Shqipëria ka mirëpritur 11.7 milionë vizitorë të huaj, një rritje prej 15% krahasuar me vitin 2023.
Këto të dhëna dëshmojnë jo vetëm për rritjen e vazhdueshme të numrit të turistëve, por edhe për transformimin e Shqipërisë në një destinacion të qëndrueshëm e të respektuar ndërkombëtarisht.
Mundesh me e lexu edhe…
Rama vuri në dukje konsolidimin e tregjeve kryesore të Evropës Perëndimore, si Italia, Gjermania, Franca, Spanja dhe Britania e Madhe, duke shtuar edhe rritjen e numrit të turistëve nga vendet e rajonit dhe tregjet e largëta aziatike e amerikane.
Ai theksoi gjithashtu rëndësinë ekonomike të turizmit, duke përmendur se sektori ka gjeneruar 3.8 miliardë euro vetëm në nëntë muajt e parë të vitit 2024.
Kryeministri theksoi se rritja e standardeve të strukturave akomoduese dhe diversifikimi i ofertës turistike janë bërë realitet falë vizionit afatgjatë dhe promovimit prestigjioz të vendit.
Përvoja unike dhe cilësia e shërbimeve po tërheqin gjithnjë e më shumë turistë që kërkojnë destinacione të veçanta dhe të shumëllojshme.
Ky sukses është një tregues i qartë i përpjekjeve të Shqipërisë për të konsoliduar pozitën e saj si një destinacion tërheqës dhe gjithëpërfshirës në hartën globale të turizmit./Katror.info
Përgatiti:
