Do të nis sot rrugëtimi i Kombëtares shqiptare në kualifikimet për në Kampionatin Evropian Euro 2024.
Kuqezinjtë do të ballafaqohen me Poloninë në stadiumin “PGE Narodowy” në Varshav, me fillim nga ora 20:45.
Trajneri Silvinho por edhe lojtarët kanë folur me optimizëm para kësaj sfide duke thënë se synojnë ta nisin më këmbë të mbarë duke bërë kështu hapin e parë drejt arritjes së qëllimit për të qenë pjesë e fazës finale të kampionatit.
Shqipëria është pjesë e grupit E kur përveç Polonisë bëjnë pjesë edhe Republika e Çekisë, Faroe Island, dhe Moldavia.
Gjithashtu drejt Varshavës ka udhëtuar edhe Armand Dukaj, së bashku me ekipin kombëtar, i cili nesër luan ndeshjen e parë në grupin E për kualifikueset e Euro 2024.
Kreu i FSHF-së ka dhënë një intervistë për mikrofonin e “Supersport”-it, në të cilën ka treguar përshtypjet e tij për punën e bërë deri më tani nga Silvinjo e stafi i tij, si dhe për mundësitë që kanë kuqezinjtë për të shkuar në Gjermani në Europianin e vitit të ardhshëm.
“Jemi përpjekur të bëjmë gjithçka mirë. Mendoj që kemi bërë mirë. Ekipi është i përgatitur, të presim fushën e lojës nesër. Futbolli nuk është një shkencë ekzakte. Është një lojë e cila mund të të nderojë edhe duke mos luajtur mirë. Ose edhe mund të mos japë rezultat duke luajtur mirë. Por, unë uroj të kemi rezultat, pavarësisht si do të luajmë.
Në futboll duhet të hysh për maksimumin në çdo ndeshje. Me këtë objektiv jemi edhe nesër në Varshavë. Për të fituar ndeshjen, pavarësisht se çfarë prodhon ndeshja. Në çdo kompeticion luhet për t’u kualifikuar. Nuk duam ta pompojmë, por kemi realisht një skuadër e cila mund të konkurrojë dhe mund të arrijë në Euro 2024.
I ka të gjithë mundësitë, ka kualitet, ka kushte fantastike në ‘Shtëpinë e Futbollit’. Ka kushtet më të mira, ose njësoj me skuadrat e tjerë. Një organizim dhe staf shumë i mirë, futbollistë kualitativë, kështu që mund të arrijmë kualifikimin”,/Katror.info