Klodiana Çuka është një personalitet i jetës publike italiane.
Në qytetin e Romës u mbajt ceremonia e dhënies së çmimeve Standout Woman Award International. Mes fitueseve të këtij edicioni të 7-të është edhe shqiptarja Klodiana Cuka, përcjell albinfo.ch.
Durrsakja Klodiana Çuka është një personalitet i jetës publike italiane.
Mundesh me e lexu edhe…
Klodiana Çuka lindi në Durrës më 13 prill 1972. Ajo arriti në Itali në vitin 1992 dhe më 24 prill 2009, pas 17 vjetësh fitoi nënshtetësinë italiane. E diplomuar për gjuhë dhe letërsi të huaj (rusisht dhe shqip) dhe ndërmjetëse gjuhësore kulturore, e specializuar për strukturat e burgjeve, në OJQ-në CIES – Centro Informazione Educazione allo Sviluppo – Qendra e informacionit për zhvillimin e arsimit – në Romë.
Në vitin 2006 mori me maksimumin e votave doktoratën në studime ndërkombëtare për gjuhësinë dhe filologjinë shqiptare në universitetin e Kalabrisë. Anëtare e AISSE-së – Associazione Italiana Studi Sud Est Europeo – Shoqata Italiane e Studimeve të Evropës Juglindore.
Që në momentin e parë të mbërritjes në Itali, Klodiana Cuka shpenzon veten për ata që, ashtu si ajo, janë larguar nga vendi i tyre dhe janë përballur me shumë vështirësi, me jetë në një tokë ndryshe nga e tyre. Që nga viti 1998 ka dhënë italisht për nxënës emigrantë në shkollat e Salento-s në Poxhardo (Poggiardo).
Klodiana Çuka është Kryetare e Shoqatës Integra onlus Albania.
Çmimi lindi në kuadër të EXPO 2015 nga një ide e amerikanit Beau Toskich, i cili gjithmonë e ka konsideruar gjininë femërore një burim themelore për gjithë botën, në familje, në punë kudo. Të këshilltarët për barazi dhe shoqatat e pranishme e shfrytëzuan këtë mundësi dhe kapën momentin duke nisur kështu edicionin e parë në Expo 2015.
Ai dëshiron të jetë zëri i grave që bëjnë gjëra në jetën e tyre të zakonshme e jashtëzakonshme. Shumë shpejt Çmimi Ndërkombëtar u zgjerua dhe më 2016 u jepet njerëzve të shkëlqyer, kompanive që zhvillojnë projekte inovative dhe mirëqenie etj./Katror.info
Përgatiti:
