Qendrat urbane të Evropës, po bëhen më miqësore se kurrë për aventurat me dy rrota. Liria më e madhe ndihet kur e di se ke me çka të udhëtosh dhe ai mjet do t’jua mundësojë ta ekploroni edhe rrugicën më të ngushtë të qytetit. Biçikleta është liria e udhëtimit!
Eksplorimi i Romës së Lashtë
Roma është më e lidhur me Vespan, sesa me bicikletat me pedale, megjithatë është një destinacion i mrekullueshëm edhe për çiklistët. Ata mund të enden mes shesheve për t’i zbuluar rrënojat, muzetë dhe galeritë e artit, e diku aty nëpër kafene t’i shijojnë kafet espresso.
Mundesh me e lexu edhe…
Një tjetër mundësi është të marrësh shtegun përgjatë Tiberit. Largohuni nga lumi në Ponte Palatino dhe drejtohuni në lindje për në Parkun Rajonal Appia Antica! Rruga Romake Apiane e drejtë me shigjeta është 2300 vjeçare; seksioni prej 10 miljesh në qytet është kryesisht pa makina dhe i veshur me mauzoleume dhe katakombe, duke kaluar vila të fshehura mes selvive dhe pishave. Kaloni me biçikletë përmes rrugëve me kaldrëm që dikur shkileshin nga legjionet ushtarake të Romës së lavdishme!
Historia polake nën Krakow
Kalimi me biçikleta përmes lagjeve të ndryshme të këtij qyteti, I bën vizitorët të përplasen me historinë polake. Duke filluar nga kalldrëmet e Sheshit të Tregut mesjetar të Qytetit të Vjetër, një rrugë e cila të çon në jug në lagjen historike hebreje Kazimierz që, ishte e shkatërruar gjatë Luftës së Dytë Botërore. Kjo zonë po lulëzon përsëri, në shtëpitë e oborret e bukura gjenden kafene e bare. Çiklistët më pas mund të kalojnë nëpër një rrugë prej 7,5 miljesh në lindje përgjatë lumit Vistula, duke lëvizur përfundimisht në veri për në Nowa Huta. E ndërtuar gjatë epokës sovjetike, distrikti tani është shtëpia e klubeve dhe vendeve muzikore.
Dublini buzë ujit
Me 118 milje shtigje biçikletash, Dublini është një vend i mrekullueshëm për t’u eksploruar në dy rrota. Duke ju çuar në pjesët më pak të vizituara nga turistët, rruga Docklands të çon në lindje nga zona historike e portit, ku ish-magazinat tani përmbajnë mikrobirrari dhe kafene, deri në Ringsend dhe murin detar. Në një ditë të ngrohtë, bëni një zhytje në gjirin e Dublinit përpara se të pedaloni përgjatë murit të farit Poolbeg me ngjyra të ndezura.
Qyteti bohemian i Anglisë
Nuk është për t’u habitur që Bristol u caktua si “Qyteti i çiklizmit”, i pari në Britani të Madhe. Bashkimi në një turne të ciklizmit është një mënyrë e shkëlqyer për t’i zbuluar disa zona më pak të vizituara. Çiklistët mund të ndalojnë për të parë pamjet e urës Clifton, e cila përshkon grykën e Avonit dhe mund të mësojnë për historinë detare në lagjen Harborside. Gjatë kësaj rrugë, mund të hasin në art të rrugës, përfshirë edhe artin nga Bansky.
Helsinki
Finlandezët janë të njohur për dashurinë që kanë për botën e jashtme, sepse ata e kanë mundësinë për ta shijuar në çdo stinë.
Kryeqyteti finlandez ka rreth 1000 milje shtigje biçikletash, të cilat kalojnë nëpër lagje të veshura me banesa madhështore të qytetit të shekullit të 19-të, në për një vijë bregdetare të mbushur me ishuj dhe që shkojnë drejt parqeve dhe pyjeve.
Mënyra më e mirë për ta kuptuar dashurinë e finlandezëve për natyrën dhe të jashtmen është përmes “Helsinki Bike Tours”. Mysafirëve ju jepen biçikleta Jopo, të prodhuara në vend, për ta shijuar një shoqëri të mirë e për të biseduar me udhërrëfyes për tema të ndryshme si politika, historia, ushqimi e madje edhe tema nga jeta familjare.
Ka shumë shembuj të arkitekturës interesante që mund t’i shihni gjatë rrugës, përfshirë këtu edhe bibliotekën publike Oodid he Finlandia Hall një vend koncertesh i projektuar nga Alvar Aalto, arkitekti më i mirë i Finlandës.
Turi në Kopenhagë
Kryeqyteti danez ka mbi 300 milje shtigjesh për bicikleta, autostrada madje edhe ura për biçikleta nëpër kanalet e tij. Ndalesat e turit mund të përfshijnë parkun zbavitës Tivoli Gardens, Pallatin Amalienborg dhe bregdetin shumëngjyrësh të Nyhavn, me shumë mundësi për të ushqyer simite me kanellë dhe smørrebrød (sanduiçe të hapur) gjatë rrugës.
Kultura e Amsterdamit
Pak qytete mund t’ju vijnë në mend më shpejt se Amsterdami, a herë që përmenden biçikletat. Atje ka shumë opsione për të marrë me qira, e që ju lejojnë të bashkoheni me vendasit në aktivitetet e tyre të preferuara. Gjatë shëtitjeve do të mund t’i shihni tre prodhuesit më të mëdhenj: mullirin e erës, prodhuesin e djathit dhe fabrikën e thikave. /Katror.info
Përgatiti:
