Standardet e bukurisë së grave dhe mënyra e paraqitjes së saj kanë ndryshuar gjatë historisë sikur në përditshmëri ashtu edhe në konkurse të bukurisë.
Edhe moda çdoherë e më shumë po ndryshon, por pastaj po kthehet përsëri moda e viteve 90.
Ndërsa në vitet 1950 femrat vishnin rroba banje mjaft të mbyllura, në dekadat e fundit veshjet janë bërë më zbuluese.
Mundesh me e lexu edhe…
Konkurset e bukurisë po bëhen gjithnjë e më moderne, një konkurs bukurie nuk është një fenomen ekskluzivisht modern.
Ato u mbajtën në kohët e lashta dhe mesjetare. Por ato u bënë të mëdha dhe të njohura në shekullin e 20-të.
Një nga organizatat më të mëdha, Miss Universe lejoi zonjat e martuara, të divorcuara dhe shtatzëna të merrnin pjesë në konkursin për titull.
Konkurset e para të bukurisë u mbajtën në Greqinë e Lashtë, por për burrat, jo për gratë. Në të kaluarën vlerësohej tërheqja e burrave, dhe jo gjithmonë të rinjve. Në Athinë kishte një konkurs të veçantë për pjesëmarrësit më të vjetër.
Garat e para për gratë u shfaqën në mesjetë, dhe ato zakonisht u kushtoheshin disa festimeve. Për festën e Ditës së Majit, njerëzit zgjidhnin një mbretëreshë, zakonisht vajzën më tërheqëse në vendbanim. Gratë nuk do të merrnin para për të, por ato ishin mbretëresha e asaj nate.
Në epokën viktoriane, kishte rregulla shumë strikte, që përshkruanin rrobat që gratë mund të vishnin në publik. Në të njëjtën kohë në plazhe u zhvilluan spektaklet e para të bukurisë. Zakonisht, gratë e klasës punëtore merrnin pjesë. Këto ngjarje u bënë vërtet të njohura vetëm në fillim të shekullit të 20-të, kur gratë u lejuan të mbanin rroba banje më të dukshme.
Miss Universe u shfaq për shkak të kokëfortësisë së një vajze. Në vitin 1951, vajza që fitoi kurorën nuk donte të vishte rrobat e banjës, që i përkisnin sponsorit për setin fotografik. Kështu, Catalina Swimwear vendosi të heqë dorë nga bashkëpunimi 30-vjeçar dhe të organizojë eventet e veta: Miss Universe dhe Miss USA.
Miss USA dhe Miss Universe i parë u mbajtën në të njëjtën kohë në Long Beach, kështu që kishte edhe finaliste mes vajzave amerikane. Por kurorën e ka marrë një 17-vjeçare nga Finlanda, Armi Kuusela. Përveç çmimeve të tjera, vajza mori një kontratë afatgjatë me studiot e filmit Universal Studios dhe shkoi në një turne nëpër botë.
Në Filipine, Armi u takua me biznesmenin Virgilio Hilario dhe vendosi të hiqte dorë nga titulli për t’u martuar me të. Ata jetonin në Manila dhe kishin 5 fëmijë. Armi është ende duke bërë punë bamirësie dhe mbështet fondacione dhe programe të ndryshme./katror.info
Përgatiti:
