E përditësuar 10:36
Kuvendi i Republikës së Kosovës vijon të mbetet pa kryetar, pasi edhe në seancën e sotme konstituive nuk u arrit të zgjidhet udhëheqësi i ri i tij. Deputetja e Vetëvendosjes, Albulena Haxhiu, nuk mori mbështetjen e mjaftueshme për t’u zgjedhur kryeparlamentare, duke përsëritur të njëjtin rezultat si në seancën e kaluar – 57 vota për, 46 kundër dhe tri abstenime.
Kryesuesi i seancës, Avni Dehari, konstatoi se propozimi nuk kaloi dhe njoftoi për shtyrjen e seancës për datën 27 prill.
Në rend dite të seancës konstituive mbetet zgjedhja e kryetarit dhe nënkryetarëve të Kuvendit. Deri tani, partitë opozitare kanë deklaruar hapur se nuk do ta mbështesin kandidaturën e Haxhiut për kryetare të Kuvendit, ndërsa nga radhët e Vetëvendosjes janë shprehur se nuk kanë në plan ta ndryshojnë propozimin./Katror.info
***
Sot edhe një përpjekje për të zgjedhur kryetarin dhe nënkryetarët e Kuvendit
Deputetët e Kuvendit të Republikës së Kosovës do të mblidhen sërish sot për të vijuar punimet e seancës konstituive të Legjislaturës së nëntë, ku në rend ditë janë: zgjedhja e kryetarit dhe të nënkryetarëve të Kuvendit të Kosovës.
Ndryshe edhe në seancën e e kaluar konstituive, nuk u arrit që deputetja e VV-së Albulena Haxhiu, të marrë besimin e deputetëve.
Me 57 vota për, 46 kundër dhe tri abstenime, kryesuesi Avni Dehari konstatoi se propozimi nuk kalon dhe e ndërpreu seancën.
Partitë opozitare kanë deklaruar tashmë se Haxhiun nuk e mbështesin për këtë post, ndërsa nga VV kanë thënë se nuk do ta ndërrojnë.
Sot pritet të shihet se a do të ketë zhbllokim të situatës./Katror.info
Përgatiti:
