27 marsi shënohet si Dita Botërore e Teatrit, një festë globale e artit skenik që nderon rëndësinë e teatrit në kulturën dhe shoqërinë njerëzore. Kjo ditë u vendos në vitin 1962, pas një propozimi të Finlandës, gjatë Kongresit të 9-të Botëror të Institutit Ndërkombëtar Teatror (INT) të UNESCO-s në vitin 1961, shkruan Katror.info.
Instituti Ndërkombëtar Teatror (INT), i themeluar nga UNESCO në vitin 1948, është organizata më e rëndësishme joqeveritare në fushën e arteve interpretuese. Me një rrjet të gjerë ndërkombëtar, INT ka për mision promovimin e këmbimit të njohurive mes komunitetit teatror, stimulimin e krijimtarisë artistike dhe forcimin e bashkëpunimit mes artistëve nga vende të ndryshme të botës.
Fillimet e jetës teatrore në Kosovë datojnë në fillim të shekullit XX, me paraqitjet e para skenike të grupeve amatore dhe shfaqjet e para në gjuhën shqipe. Themelimi i Teatrit Krahinor të Kosovës në vitin 1945, që më vonë u bë Teatri Kombëtar i Kosovës, shënoi një pikë kthese në zhvillimin e artit skenik në vend. Që atëherë, teatri në Kosovë ka evoluar duke sjellë vepra të rëndësishme kombëtare dhe ndërkombëtare, duke u bërë një pjesë e rëndësishme e identitetit kulturor të vendit.
Mundesh me e lexu edhe…
Nëpërmjet aktiviteteve të shumta dhe mesazheve vjetore që përcillen nga personalitete të shquara të artit skenik, Dita Botërore e Teatrit synon të rrisë ndërgjegjësimin mbi vlerën e teatrit dhe rolin e tij në forcimin e paqes, mirëkuptimit dhe miqësisë midis popujve./Katror.info
Përgatiti:
