Nga sot Prishtina bëhet qendra e pingpongut botëror, me nisjen e ngjarjes madhore WTT Youth Contender, që do të zgjasë deri më 1 qershor, e menjëherë pas saj do të pasojë WTT Feeder Prishtina, nga 3 deri më 7 qershor, shkruan Katror.info.
Federata e Pingpongut e Kosovës ka konfirmuar se gjithçka është gati për këto dy gara të nivelit të lartë, të cilat po zhvillohen në Sallën e Madhe të Pallatit të Rinisë. Sipas organizatorëve, hapësira është përgatitur me kujdes maksimal, duke respektuar standardet më të larta të World Table Tennis (WTT).
Mysafirët e parë nga Korea dhe Japonia tashmë kanë arritur në Kosovë, ndërsa mbikëqyrësja e ngjarjes, Nikoleta Stefanova, ndodhet në Prishtinë për të monitoruar nga afër zhvillimet dhe për të siguruar një rrjedhë të suksesshme të garave.
Mundesh me e lexu edhe…
Ngjarja do të mbledhë mbi 600 sportistë nga 45 shtete, përfshirë edhe 12 vende që ende nuk e kanë njohur pavarësinë e Kosovës – një rast i rrallë për afirmim ndërkombëtar dhe një hap i rëndësishëm në diplomacinë sportive.
Për orarin e ndeshjeve dhe rezultatet zyrtare, mund të informoheni në faqen e World Table Tennis:
👉 https://worldtabletennis.com/eventInfo
/Katror.info
Përgatiti:
