Studimet e fundit kanë bërë përparime të rëndësishme në kuptimin e mënyrës si zhvillohen qelizat e lëkurës në fetus gjatë fazave të hershme të zhvillimit njerëzor.
Pas fertilizimit, të gjitha qelizat janë të njëjta, por pas tre javësh, disa gjene aktivizohen dhe japin udhëzime për avancimin e qelizave dhe formimin e indeve, ka shkruar BBC.
Shkencëtarët kanë identifikuar se cilat qeliza aktivizohen në çaste të ndryshme dhe në vendndodhje të caktuara për të formuar lëkurën, organin më të madh të trupit.
Mundesh me e lexu edhe…
Nën mikroskop, qelizat e lëkurës duken si drita të vogla, me ngjyra që tregojnë funksione të ndryshme: gjenet me ngjyrë të portokalltë formojnë sipërfaqen e lëkurës, ato të verdha përcaktojnë ngjyrën, dhe të tjerat ndihmojnë në krijimin e strukturave si folikulat e flokëve dhe gjëndrat e djersës.
Profesoresha Muzlifah Haniffa, ka thënë se ky studim do të mund të iu ndihmojë shkencëtarëve për të trajtuar sëmundjet në mënyrë më efikase dhe gjithashtu është mënyrë e re për të mbajtur organizmin të shëndetshëm për një kohë më të gjatë.
“Ndoshta do të na ndihmojë të dukemi edhe më të ri. Nëse përmes këtyre metodave ne mund ta manipulojmë lëkurën dhe ta parandalojmë plakjen, mund të kemi më pak rrudha”, ka thënë ajo duke shtuar se ky studim nxit pyetje se si do të mund të rinohet lëkura e edhe organet tjera.
Pasi studiuesit arritën të identifikojë se kur dhe cilat gjene aktivizohen për formimin e organit më të madh të tripit, lëkurës, kjo gjë ka bërë ata të mendojnë se procesi i plakjes mund të shtyhet.
Ata zbuluan se për formimin e enëve të gjakut dhe lëkurës, rol shumë të rëndësishëm luajnë qelizat e sistemit imunitar, proces të cilit mundën ta imitojnë në laborator.
Deri më tani ata arritën të krijojnë copëza të vogla të lëkurës, nga të cilat dilnin qime të vogla.
Haniffa ka thënë se qëllimi kryesor është të perfeksionohet kjo teknikë.
“Nëse di të krijosh lëkurën njerëzore, këtë mëtodë mund ta përdorim tek pacientët që kanë pasur djegie, të cilëve do mund të iu transplantohet lëkura e krijuar.
Lëkura e krijuar do të mund të zbardhë dyshimet se si krijohen sëmundje trashëguese të lëkurës dhe të bëhen teste për trajtime potenciale.
Udhëzimet gjenetike për zhvillimin e organeve dhe indeve vazhdojnë gjatë gjithë jetës, duke filluar nga embrioni.
Projekti Human Cell Atlas ka luajtur rol të rëndësishëm në këtë hulumtim, duke analizuar 100 milionë qeliza nga pjesë të ndryshme të trupit përgjatë tetë vjetëve të fundit. Përmes këtij projekti, janë krijuar atlase për trurin dhe mushkëritë dhe puna vazhdon për veshkat, mëlçinë dhe zemrën.
Profesoresha Sarah Teichmann nga Universiteti i Kembrixhit, e cila është një ndër themelueset e Human Cell Atlas Consortium, ka shprehur entuziazmin e saj për këto avancime.
“Ky studim ofron njohuri të reja mbi fiziologjinë dhe anatominë njerëzore dhe ka potencial të ndryshojë përmbajtjen e librave që flasin për indet dhe organet tona”, ka thënë ajo. /Katror.info
Përgatiti:
