Shtyrja e alarmit në mëngjes mund të mos jetë aq e keqe, pretendon një studim i ri. Disa njerëz madje mund të përmirësojnë aftësitë e tyre njohëse në këtë mënyrë.
Hulumtimet e mëparshme kanë trajtuar pasojat e dëmshme të shtyrjes së alarmit, duke treguar se mini-ciklet prej pesë ose dhjetë minutash nuk janë të dobishme për trupin tonë, shkruan “Science Alert”.
Megjithatë, studiuesit nga Universiteti i Stokholmit në Suedi dhe Universiteti Monash në Australi e hodhën poshtë këtë ide në një studim të fundit.
Mundesh me e lexu edhe...
Ata studiuan 31 njerëz të cilët i shtynin rregullisht alarmet e tyre në një mjedis laboratorik dhe zbuluan se 30 minuta gjumë shtesë ose nuk kishin efekt ose përmirësonin aftësitë e tyre njohëse në një detyrë të kryer menjëherë pas zgjimit, krahasuar me njerëzit që nuk përdornin shtyrjen e alarmit.
“Këto rezultate tregojnë se nuk ka asnjë arsye për të ndaluar shtyrjen e alarmit në mëngjes nëse ju pëlqen, të paktën për periudha rreth 30 minutash”, tha shkencëtarja Tina Sandelin nga Universiteti i Stokholmit.
Ekipi gjithashtu anketoi 1,732 vullnetarë për të përcaktuar se sa e zakonshme është të shtyhet gjumë: 69 përqind e të anketuarve thanë se vendosën alarme të shumta ose shtyjnë alarmin. Studiuesit pranojnë se zgjimi i vonuar mund të prishë gjumin, por ata gjithashtu thanë se ka përfitime të shumta./Katror.info
