Recetat e lehta e t’shpejta, na ofrojnë mundësi me përgatitë ma shpesh. Kështu, supa klasike me brokolli, si dhe supa me domate patën ezoltu t’sukseshshme dhe e pëlqyeshme prej miqëve t’tanë t’cilët e kanë provu. Andaj, kemi vendosë me t’njoftu edhe me nji supë, që normalisht jemi t’bindun që ka me t’pëlqy shumë po e provove.
Supa me patate t’ambla asht n’daç e ushqyeshme, n’daç e shijshme dhe e lirë e kohë-kursyese. Biles kjo supë t’i ofron t’tana t’mirat me ni pjatë e asht edhe e përshtatshme me u përgatitë e me u marrë edhe t’nesërmen me vehte për pauzë t’drekës. Mjafton me i ndjekë disa hapa t’thjeshtë
PËRBËRËSIT:
1 luge vaj ullini
1 qepë (e prerë imët)
2 kërcell selino (i prerë n’copëza)
2 karota (t’prera n’copëza)
4 patate t’ambla (t’prera n’kubëza)
1 lugë gjelle xhenxhefil (i grirë imët)
½ lugë çaji kerri
½ lugë çaji kripë
¼ lugë çaji piper i zi
4 gota supë (2 kube supe me 1 l ujë t’vluar)
½ gotë krem-qumësht
Magdanoz i freskët (Opsionale për servim)
Arra indian t’pjekuna (Opsionale për servim)
HAPI 1:
N’tenxhere shto vajin e ullinit bashk me qepën, karrotat dhe selinon. Kavërdisi perimet për 5 minuta deri sa t’zbuten pak. Shto patatet dhe erëzat e kavërdise masën për 2 minuta t’tjerë e pastaj shto supën e krijume prej ujit t’vluar me kubëza vegjetariane supe.
HAPI 2:
Ziji perimet për 30 minuta. Pra, deri sa t’zbuten patatet dhe bluji n’blender. Servo.
REZULTATI:
Servoje supën n’pjata t’thella e sipër shtoja pak magdanoz t’freskët dhe arra inciane t’pjekuna. Shoqnoje supën me pak copëza buke t’rreshkun paraprakisht, ose me keksa t’njelbët. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me karrota dhe xhenxhefil, supën me speca t’kuq – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
