Teleskopi e kryen funksionin e tij që nga viti 2016 dhe ndonëse deri më tani ka regjistruar sinjale të ndryshme nga hapësira, mund të jeni të sigurt, ende nuk ka prova të alienëve.
Radio teleskopi sferik kinez Aperture Spherical Radio Telescope (FAST) jo vetëm që është më i madhi në botë me përmasat e tij 500 metra, por është i veçantë edhe për faktin se ka vetëm një “pjatë”. FAST është aq i madh sa mund të zë 30 fusha futbolli.
I njohur gjithashtu si Syri Qiellor, teleskopi gjigant është i vendosur në provincën jugperëndimore të Guizhou. Duke qenë jashtëzakonisht i ndjeshëm në brezin e radios me frekuencë të ulët, misioni i tij është të kërkojë qytetërime jashtëtokësore si dhe të kërkojë sinjale midis trupave qiellorë miliarda vite dritë larg, shkruan Katror.info.
Mundesh me e lexu edhe…
Pjata në dukje e fortë përbëhet në fakt nga 4450 pllaka alumini që mund të zhvendosen për t’u fokusuar në vende të ndryshme në hapësirë. Radioteleskopi e kryen funksionin e tij që nga viti 2016 dhe megjithëse deri më tani ka regjistruar sinjale të ndryshme nga hapësira, mund të jeni të sigurt, nuk ka ende asnjë provë për jashtëtokësorë. Ndërtimi i një pajisjeje të tillë për astronominë kineze dhe botërore është punë e madhe, por siç raportojnë mediat, është vendosur për fatkeqësinë e banorëve vendas, të cilët ankohen se për shkak të FAST-it kanë mbetur pa tokë dhe pa shtëpi.
Agjencia shtetërore e lajmeve Xinhua raporton ndryshe dhe thotë se 9,110 banorë vendas janë zhvendosur për të krijuar një zonë të qetë rreth teleskopit dhe se ata kanë marrë kompensim të vlefshëm për këtë.
Qyteti i Kedu, i cili ndodhet rreth pesë kilometra larg teleskopit gjigant, është quajtur ndërkohë “qyteti astronomik”. Meka e re për turistët në Pingtangin malor është bërë më e pasur me hotele dhe restorante të shumta. Në fundjavë, qyteti i Kedu pret deri në 2000 vizitorë që vijnë për të admiruar radio teleskopin më të madh në botë.
“Falë mrekullive vendase gjeologjike dhe zakoneve popullore, Kedu ofron rrugë të shumta turistike që mund të zgjojnë kureshtjen e vizitorëve dhe të cilat i lejojnë turistët të shohin format e tokës së Guizhou dhe të përjetojnë kulturën lokale,” tha udhërrëfyesi turistik Wang për Global Times./Katror.info
Përgatiti:
