Filmi i shkurtër “Sytë e Bernës”, me regji nga Ermal Gërdovci dhe skenar nga Patrik Lekaj, do të ketë premierën botërore në edicionin e sivjetmë të Festivalit të Filmit në Sarajevë, në kuadër të programit garues për filma të shkurtër, shkruan Katror.info.
Ky projekt kinematografik është prodhim i kompanisë Kandërr, në bashkëprodhim me Filmik dhe Sloboda Film, me producente Trëndelina Halili, ndërsa bashkëproducente është Marija Dimitrova.
Në rolet kryesore të filmit luajnë Arta Selimi, Tristan Halilaj, Ervin Shala, Gramos Malaj dhe Altin Vraniqi.
Mundesh me e lexu edhe…
I mbështetur nga Qendra Kinematografike e Kosovës, “Sytë e Bernës” sjell një rrëfim psikologjik, ku personazhi kryesor, e përndjekur nga trauma dhe pagjumësia, përballet me vizione të dhunshme që fshijnë kufirin mes realitetit dhe hakmarrjes.
Filmi do të konkurrojë në mesin e 10 filmave të tjerë të përzgjedhur në kategorinë Competition Programme – Short Film./Katror.info
