Vitamina B është esenciale për shëndetin tonë, pasi ndihmon në funksionimin e metabolizmit.
Në kuadër të grupit të vitaminës B hyjnë grupi i vitaminave B1, B2, B5, B6 dhe B12, të cilat na ofrojnë energji, favorizojnë sistemin nervor dhe mëlçinë. Përpos kësaj, kjo vitaminë ndihmon për të humbur peshë me lehtë, pasi kuron aparatin tretës dhe zorrën e trashë, rrjedhimisht duke përmirësuar tretjen.
Autorja e librit “This Is Your Brain On Food”, Dr.Uma Naidoo, nga Universiteti i Harvardit, në një intervistë për BBC tha se vitamina më e mirë për trurin është vitamina B, sepse ajo është çelësi për të mbajtur trurin tonë të ri dhe të shëndetshëm.
Mundesh me e lexu edhe…
Nutricionistja nga Harvardi, e cila argumenton se vitaminat B janë të mira edhe për organe të tjera përveç trurit shprehet se “Ka 8 lloje të vitaminave B. Një nga të preferuarat e mia dhe për të cilën flas gjatë gjithë kohës, është vitamina B-9, e që është acidi folik”.
Vitaminat B ndihmojnë trupin të marrë energji nga ushqimi që hamë. Gjithashtu ndihmojnë në formimin e qelizave të kuqe të gjakut dhe kontribuojnë në funksionin e mirë të imunitetit, si dhe mbështesin procese të tjera të rëndësishme në trup. Janë të tretshme në ujë, ndërsa eliminohen me anë të urinimit, shkruan Top Albanian Radio.
Ushqimet prej të cilave mund të merren vitaminat B janë peshku, pula, viçi, vezët dhe produktet e qumështit. Edhe perimet me gjethe jeshile apo fasulet kanë gjithashtu këto lloj vitaminash.
Por, Dr.Naidoo rekomandoi që të mos hamë vetëm një lloj ushqimi, “Mos hani vetëm fasule ose vetëm perime me gjethe jeshile, sepse atëherë do të humbni shtatë vitaminat e tjera B”./Katror.info
Përgatiti:
