Nën organizimin e qendrës së artit “Harabel Contemporary Art”, Papavrami do të koncertojë së bashku me bashkëshorten e tij, pianisten japoneze, Maki Okada. Së bashku në vitin 2018, ata morën çmimin “Barocsaal” në Kioto, për koncertin më të mirë të sezonit
Violinisti i njohur shqiptar, Tedi Papavrami, do t’i kthehet Teatrit të Operës dhe Baletit në Tiranë me koncert. Nën organizimin e qendrës së artit “Harabel Contemporary Art” Papavrami do të koncertojë së bashku me bashkëshorten e tij, pianisten japoneze, Maki Okada, shkruan Koha.
Karriera e Papavramit është ajo e një instrumentisti që si i ri kishte pasur rastin të largohej nga shteti monist për të studiuar jashtë vendit. Ishte viti 1982. Shqipëria ishte izoluar nga pjesa tjetër e botës. Flautisti francez, Alain Marion, i cili kishte shkuar për të dhënë një koncert në Tiranë dhe dëgjoi të luante Papavramin si fëmijë, ia kishte dalë që të organizonte që ai të shkonte në Paris me një bursë nga qeveria franceze. Papavrami vazhdoi të studionte me Pierre Amoyal në “Conservatoire National Supérieur de Musique” ai gjithashtu u shfaq në programet televizive të njohura dhe dha shumë koncerte në atë kohë.
Mundesh me e lexu edhe…
Pasi kishte mbaruar studimet në fund të të pesëmbëdhjetës, Papavrami vazhdoi të përsoste aftësitë e tij instrumentale dhe muzikore. Ndërkohë, ai dhe prindërit e tij kishin qëndruar në Francë. Megjithatë, regjimi i ndëshkoi ata anëtarë të familjes që kishin qëndruar prapa me sanksione të rënda dhe hakmarrje që do të mbeteshin në fuqi derisa qeveria të binte përfundimisht në vitin 1991. Megjithatë, përpara kësaj ngjarjeje, Papavrami dhe prindërit e tij duhej të largoheshin nga Parisi, në mënyrë që të shmangin zyrtarët e ambasadës shqiptare që nuk iu ndante.
Në vitin 1985 fitoi konkursin “Rodolfo Lipitzer” në Gorizia, në 1986 fiton me unanimitet “Çmimin e parë të Konservatorit të Parisit, në vitin 1987 mori diplomën e Konservatorit të Losanës. Ka fituar vazhdimisht çmime si dhe ka interpretuar me orkestra prestigjioze nga vende të ndryshme të botës.
Ndërsa Maki Okada ka përfunduar studimet në Toho Gakuen School of Music në Tokio, e më pas në Francë. Lidhjet e krijuara gjatë kësaj kohe me Francën dhe Evropën shënuan zhvillimin e saj muzikor, tashmë në repertorin për violinë dhe piano ku fokusohet me bashkëshortin Tedi Papavrami. Së bashku në vitin 2018, ata morën çmimin “Barocsaal” në Kioto, për koncertin më të mirë të sezonit./Katror.info
Përgatiti:
