Tifozët japonezë të futbollit kanë shtuar shumë humanizëm në Kupën e Botës 2022 në Katar këtë javë. Pas fitores së madhe të tyre ndaj Gjermanisë, tifozët e Japonisë ndihmuan në pastrimin e mbeturinave në stadiumin Khalifa International.
Para të mërkurës, pas ndeshjes hapëse të turneut midis Katarit dhe Ekuadorit, tifozët japonezë gjithashtu përfunduan duke mbledhur shishe dhe ushqime që kishin mbetur në karriget e staiumit – pavarësisht se skuadra e tyre nuk ishte as pjesë e ndeshjes.
Tifozët japonezë shpërndanë edhe thasë plehrash për të pastruar mbeturinat nga tifozët që kishin ndjekur ndeshjen e mëparshme.
Mundesh me e lexu edhe…
Një influencer i Bahreinit, Omar Al-Farooq, regjistroi pamjet e veprave të mira të tifozëve japonezë pas ndeshjes hapëse të turneut dhe e ndau atë në llogarinë e tij në Instagram. Ai madje i pyeti fansat pse vendosën të qëndronin pas dhe të ndihmonin në pastrimin e të gjithë plehrave.
“Ne jemi japonezë dhe nuk do të lëmë mbeturina pas nesh dhe e respektojmë vendin”, tha një fans për Al-Farooq.
Vetë Al Farooq u frymëzua nga veprat e mira dhe zgjodhi të ndihmojë tifozët japonezë të pastrojnë plehrat.
Tifozët japonezë morën gjithashtu flamujt e Ekuadorit dhe Katarit që ishin lënë në tokë dhe deklaruan se simbolet e vendit “dueht respektuar”. Tifozët japonezë janë të njohur për këtë.
Ata ndihmuan në mbledhjen e mbeturinave gjatë Kupës së Botës 2018 në Rusi. Pas humbjes 3-2 nga Belgjika në atë turne, tifozët japonezë mund të shiheshin duke mbledhur mbeturinat dhe duke pastruar të gjitha vendet brenda Rostov Arena./Katror.info
Përgatiti:
