Një studim ka zbuluar se bimët lëshojnë tinguj ultrasonikë si “zhurma të vogla që shpërthejnë” kur janë nën stres, për shembull kur janë të dehidratuara apo kur priten. Këto thirrje mund të kapen nga mikrofonë të posaçëm edhe në një distancë më shumë se një metër larg.
Tingujt ndryshojnë sipas llojit të stresit dhe algoritmet e inteligjencës artificiale mund t’i klasifikojnë me saktësi. Bimët e dehidratuara ishin më ‘vokalet’ praktikisht, po ‘thërrisnin’ për ndihmë, shkruan Top Albania Radio.
Ky zbulim mund të ndryshojë mënyrën se si e kuptojmë komunikimin e bimëve dhe të sugjerojë se ndoshta insektet dhe kafshët tashmë janë duke dëgjuar.
Tingujt që lëshojnë bimët janë zakonisht në diapazonin prej 20 deri 100 kilohertz, shumë më i lartë se sa ajo që veshi i njeriut mund të dëgjojë (zakonisht deri në 20 kilohertz). Bimët lëshojnë këta tinguj zakonisht kur janë të dëmtuara, kur u mungon uji, apo edhe gjatë procesit të tharjes.
Duket se kjo është një formë komunikimi ose sinjalizimi biologjik. Disa shkencëtarë besojnë se këta tinguj mund të shërbejnë si sinjale për insekte apo kafshë të tjera për shembull për të paralajmëruar ose për të tërhequr ndihmë.
Studimi më i përfolur mbi këtë temë u realizua nga Universiteti i Tel Avivit në Izrael. Shkencëtarët përdorën mikrofona shumë të ndjeshëm për të regjistruar tinguj në ambient të kontrolluar, duke eliminuar zhurmat e jashtme. U testuan bimë të ndryshme, në kushte stresi.
Bimët nën stres lëshonin deri në 30 tinguj në orë. Tingujt nuk janë të rastësishëm, por variojnë në varësi të llojit të stresit. Tingujt mund të dëgjohen nga distanca deri në 3–5 metra. Bimët që nuk janë nën stres prodhojnë shumë më pak ose pothuajse asnjë tingull. /Katror.info
Përgatiti:
