Tirana është shpallur si Kryeqyteti Mesdhetar i Kulturës dhe Dialogut për vitin 2025.
Lajmin e mirë e ka bërë të ditur kryetari i bashkisë së Tiranës, Erion Veliaj, i cili shtoi se ky titull erdhi pas titujve tjerë të Tiranës si Kryeqyteti Europian i Rinisë dhe Qyteti Europian i Sportit.
“Mbas Vitit të Rinisë dhe Vitit të Sportit, në vitin 2024 do të presim B40, që është shoqata më e madhe e bashkive në rajon, ku Tirana mban Presidencën, do të bëhemi gati për një supervit 2025, ku Tirana jo vetëm do të shkëlqejë, siç ka shkëlqyer gjithë këto kohë, por do të ketë aktivitetin kulturor më të pasur në Mesdhe”, ka thënë ai.
“I gjithë Mesdheu do të jetë në Tiranë për kulturën që ofron Tirana, kryeqyteti ynë”, shtoiVeliaj.