Trajneri kosovar, Afrim Tovërlani ka treguar detaje interesante të ish-trajnerit të Kroacisë, Miroslav ‘Çiro’ Blazheviq, gjatë kohës kur ky i fundit kishte drejtuar Prishtinën gjatë vitit 1985.
Tovërlani vitin e kaluar, pasi që Kroacia u rendit në vendin e tretë në botërorin e zhvilluar në Katar, fillimisht, ai tregoi se si 87-vjeçari i kishte motivuar futbollistët e Prishtinës para një ndeshje shumë të rëndësishme kundër klubit kroat Osijek.
”Trajner karizmatik, domethënë një trajner që shumë më tepër ka ana psikologjike se sa nga ana profesionale në futboll. Tre muaj ka qëndruar në Prishtinë prej marsit deri në qershor të vitit 1985 dhe më kujtohet një ndeshje kur luajtëm në Osijek. Ne luftonim për mos me ra prej ligës së parë të ish-Jugosllavisë dhe në mëngjes shkruante gazeta sportive në gjuhën kroate se ata janë ‘ujqërit’ për Osijekun.”
Mundesh me e lexu edhe…
”Mirëpo, kur hyri në zhveshtore të mbajë mbledhjen para se të dalim në fushë ia nisi me atë tonin e tij të lartë: ”Këta janë ujqërit, nëse këta janë ujqërit ne jemi ujqërit e uritur. Pse janë krejt kundër plisave të bardhë.” Dhe në atë mënyrë filloi të ngrit adrenalinën dhe tensionin. Atë ndeshje humbëm 2-1 me një padrejtësi të madhe…., por megjithatë ndeshjen e fundit e fitoi Prishtina 1-0 në Rijekë dhe me Çiron shpëtuam pa rënë prej ligës,” tha ai.
Ndër të tjerash, Tovërlani tregoi edhe një ngjarje interesante nga ajo se si ishte arritur marrëveshja mes Prishtinës dhe Blazheviqit.
”Prishtina kur ka shkuar ta marrë nga Zvicra për ta sjellë në Prishtinë, këta që kanë udhëtuar për ta marrë Ciro Blazevic as paret e biletave nuk i kanë pasur dhe ju kanë thënë qysh keni me ardh me marrë Ciron as paret e biletat si keni në xhep dhe ata i kanë thënë se krejt në Prishtinë t’i japim sepse këta kanë shkuar fillimisht vetëm të flasin,” tha ai./Katror.info
Përgatiti:
