Pemët e Krishtlindjeve të zbukuruara, dritat luksoze në të gjitha ngjyrat dhe format, zhurma e këmbanave, era e kanellës në verën e zier… Koha më e bukur e vitit fillon zyrtarisht në fund të nëntorit dhe fillim të dhjetorit, kur qytetet në tërë botën janë zbukuruar me mijëra stoli shumëngjyrëshe dhe sheshet janë të mbuluara me aroma dhe shije të dallueshme që kujtojnë Krishtlindjet.
Vitet e fundit gjithnjë e më shumë qytete ofrojnë një atmosferë të veçantë festive, por disa prej tyre dallohen vërtet për historinë e tyre të pasur dhe titujt lajkatarë që mediat botërore u japin vit pas viti. Këto janë ngjarjet më të veçanta që duhet të përjetoni live.
Vitin e kaluar Tregu i Krishtlindjeve në Budapest u shpall më i miri në botë
Mundesh me e lexu edhe…
Në këtë periudhë të vitit, kryeqyteti hungarez kthehet në një fabrikë të vërtetë eksperiencash dhe ofron një atmosferë të veçantë festive që tërheq vizitorë nga e gjithë bota. Nga dekorimet joreale, mbi parkun e akullit e deri te shtëpitë e bukura nga të cilat vijnë aromat dhe shijet joshëse të kuzhinës tradicionale, tregu i Krishtlindjeve në Budapest është vërtet i veçantë dhe duhet përjetuar të paktën një herë në jetë.
Manifestimi i preferuar i dimrit në kryeqytetin hungarez, i cili është zgjedhur disa herë si “Tregu më i mirë i Krishtlindjeve në Evropë”, hap dyert të premten, më 17 nëntor 2023 dhe zgjat deri më 1 janar 2024.
Salzburgu pret tregun më të vjetër të Krishtlindjeve në Evropë
Nëse e preferoni hijeshinë e qyteteve austriake, të rrethuara nga pamje të bukura gjatë eksplorimit të historisë, e kombinuar me një treg magjik Krishtlindjesh, atëherë patjetër që do të dëshironi të kaloni disa ditë në Salzburg këtë dimër.
Vendi ku ka lindur Mozart ka organizuar që në shekullin e 15-të një treg Krishtlindjesh, i cili është zhvilluar gjatë shekujve dhe është bërë një nga më të bukurit në Evropë.
Mjedisi unik në zemër të pjesës së vjetër të qytetit, e cila është në Listën e Trashëgimisë Botërore të UNESCO-s, tregjet shumëngjyrëshe dhe një histori e gjatë e bëjnë Salzburgun “Christkindlmarkt” një ngjarje vërtet të veçantë. Edicioni i sivjetshëm i këtij manifestimi të bukur do të mbahet nga 23 nëntori dhe do të zgjasë deri më 6 janar 2024.
Panairi i Krishtlindjeve në Vjenë do t’ju çojë në botën luksoze të fisnikëve dhe njerëzve të mëdhenj
Dekorim i bukur me një mijë drita vezulluese, aroma e verës së zier, kanellës, këngëve të Krishtlindjeve në çdo hap, tezgave me dhurata të punuara me dorë… Panairi i Krishtlindjeve në Vjenë është një nga panairet më të famshme të Krishtlindjeve në të gjithë Evropën, që justifikon prominencën e tij vit pas viti. Aktivitete të ndryshme mbahen në të gjithë qytetin, por më i famshmi është panairi përballë Bashkisë, në Parkun Rathaus, ku dominon një pemë e madhe e Krishtlindjeve, një shesh patinazhi dhe një sërë stendash me oferta festive.
Programet në kryeqytetin austriak këtë vit nisin më 11 nëntor dhe do të zgjasin deri më 4 janar 2024. /Katror.info
Përgatiti:
